Wéi eng Blumm déi aus dem Bëtong bléit (vum RevoLD Horizont & Serge Tonnar)

Описание: Cette œuvre a été réalisée dans le cadre de l’atelier Creamisu de Caritas Luxembourg, un espace qui offre aux personnes sans-abri la possibilité de s’exprimer artistiquement.
Les recettes de la vente de cette œuvre seront reversées dans leur entièreté au projet Creamisu de Caritas Luxembourg pour de nouvelles actions.

CD pour 10€ sur compte Caritas BCEE LU98 0019 1000 6450 3000

Text: Domingo Lima & Serge Tonnar
Musek: Serge Tonnar
Stëmmen: Domingo Lima (RevoLD Horizont), Serge Tonnar
Gittaren, Schellekranz & Tastebriet: Serge Tonnar
Elektresch Gittar: Luca Parisi
Bass: Rom Christnach
Schlogezei: Misch Feinen
Opgeholl vum Serge Tonnar am Creamisu an doheem
Gemixt vum Nicolas Delépine an de Linster Studios
Mastering: Darcy Proper

Realisatioun & Montage: Laurent Prim
Kamera: Serge Benassutti

Text:

1
Ech hunn Narben déi sinn déif
Well Gefiller hunn deet wéi
Mee egal op wéi vill Schléi
Oder Problemer ee geréit
Sech erhiewe muss meng Séil
Wéi eng Erkenntnis aus dem Wéi
Wéi e Reebou oder wéi
Eng Blumm déi aus dem Bëtong bléit

Et gëtt een traureg wann ee fillt
An enttäuscht gëtt een ze vill-
Wat ass dat fir e Liewensstil
Fric ze maachen eenzegt Zil-
Natur a Mënschen déi dropginn-
Wackelege Wee dee mer hei ginn
Brauch keen Drama a kee Film
Fir de Misär ze gesinn

Refrain
Wéi eng Blumm déi aus dem Bëtong bléit
Wéi eng Fieder déi sech net am Stuerm béit
Wéi e klengt Kand wat en Héichhaus dréit, oder wéi
Eng Blumm déi aus dem Bëtong bléit

2
1, 2, 3
Loosse meng Gedanke fräi
Ziele wat mer um Häerz läit
Dee System dee klaut meng Zäit
An hunn ech och vun Zäit zu Zäit
D'Bengele bei d'Tromm gehäit
Duerch gutt Leit halen ech bäi
An dat ze schreiwen mécht mech fräi

Si wéi s Du, nëmmen e Mënsch
An der Täsch just wéineg Mënz
Ech besëtzen och keng Flënt-
Gewalt mécht fir mech guer kee Sënn
Ech benotze just meng Stëmm
A mäi Stëft, ech hu meng Grënn
D'Sprooch als Waff déi eis verbënnt
Fir besser Zäite ganz bestëmmt

3
'T ass just vereent wou alles geet
Well getrennt feelt eis en Deel
Mir brauchen een deen eis begleet
Mir brauchen een deen eis versteet -
Heiansdo een deen eis mol seet-
Dass en ëmmer zou eis steet -
Well et deet gutt wann s de weess
Dass et ee gëtt deen un dech gleeft

An sou kéint dat sech entfalen
Ëmmer méi déi zoueneen halen
Hand an Hand sech vläicht festhalen
A vergiesse Péng a Qualen
Lauter Leit déi hiert Wuert halen
Virun an och no de Wahlen
Lauter Leit vun alle Faarwen
Lauter Männer, lauter Fraen