Top News/ Punonte për raketat hipersonike të Putinit /Tradhti! 14 vite burg për shkencëtarin 77 vjeç

Описание: Fizikani i moshuar rus Anatoly Maslov u dënua të martën me 14 vjet burg në një koloni penale, pasi u shpall fajtor për tradhti dhe ky është më i fundit mes një vargu procesesh kundër shkencëtarëve që punojnë për zhvillimin e raketave hipersonike të Rusisë. Maslov, 77 vjeç, u dënua nga një gjykatë në Shën Petersburg pas një gjyqi me dyer të mbyllura. Ai kishte protestuar për pafajësinë e tij. Maslov është një nga tre shkencëtarët nga i njëjti institut siberian, të gjithë specialistë hipersonikë, që janë arrestuar që nga viti 2022 nën akuzat për tradhti. Dy të tjerët, Alexander Shiplyuk dhe Valery Zvegintsev, janë në pritje të gjykimit.
Ata - së bashku me një numër shkencëtarësh të tjerë të akuzuar në raste të ngjashme - kishin kryer punë teorike në fusha të rëndësishme për zhvillimin e raketave hipersonike – armët më të fundit, të afta për të mbajtur ngarkesa të mëdha dhe që mund të fluturojnë 10 herë më shpejt se zëri. Presidenti Vladimir Putin ka thënë vazhdimisht se Rusia është lider botëror në këtë fushë të armatimit. Në një letër të rrallë të hapur të botuar vitin e kaluar, kolegët e Maslov, Shiplyuk dhe Zvegintsev thanë se të tre ata ishin të pafajshëm dhe punimet shkencore që kishin botuar ose prezantuar në konferenca ndërkombëtare ishin verifikuar për t'u siguruar që nuk përfshinin informacion të kufizuar. Ata thanë se rastet kishin një efekt shokues në akademinë ruse të shkencave dhe e kanë bërë të pamundur për shkencëtarët kryerjen e punës së tyre. Në përgjigje, Kremlini tha në atë kohë se tre shkencëtarët përballeshin me "akuza shumë të rënda" dhe rastet e tyre ishin çështje e shërbimeve të sigurisë. Vetë Maslov tha në gjykatë se ai ia kishte kushtuar gjithë jetën shkencës dhe kurrë nuk kishte ëndërruar të tradhtonte vendin e tij. Avokatët e tij thanë se ai kishte pësuar një atak kardiak në fillim të vitit dhe një dënim i gjatë me burg do të ishte i barabartë me një dënim me vdekje për të. Muajin e kaluar Alexander Kuranov, një tjetër shkencëtar në të njëjtën fushë, u dënua me shtatë vite burg. Gazeta ruse Kommersant tha se atij i ishte dhënë një dënim i reduktuar në këmbim të dëshmisë kundër Maslov.


Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#AnatolyMaslov#Tradhtia