"မှားသောရှေ့နေ"(ယုံရခက်သောဇာတ်လမ်းတစ်ခု) စာရေးသူ-ဘုန်းမြင့်

Описание: "မှားသောရှေ့နေ"
(ယုံရခက်သောဇာတ်လမ်းတစ်ခု)
စာရေးသူ - ဘုန်းမြင့်
စာဖတ်သူ - နန်းသိင်္ဂီ
ကြာချိန် - ၂၀ မိနစ်

စာမြည်း
ခြံနောက်ဖေးမှ တဲကလေးသည် နွေရာသီစံနန်းဟုဆိုသော်လည်း မိုးနှင့်ဆောင်းညများတွင်လည်း ဘိုးဘိုးသည် တစ်ခါတစ်ရံ ညအိပ်တတ်ပါသည်။ ထိုအခါမျိုးတွင် ဘိုးဘိုးက ကျွန်တော့်ကို အဖော်မခေါ်တော့ပါ။ ညဉ့်နက်ပြီ သွားအိပ်ချေတော့ဟု နှင်လွှတ်တတ်ပါသည်။ ကျွန်တော်က ငိုမဲ့မဲ့နှင့် ပြန်လာသောအခါ ဖေဖေနှင့်မေမေတို့က ပြုံးကြပါသည်။ ဘာကြောင့် ပြုံးကြသည်ကို ကျွန်တော် ပထမတွင် မသိပါ။ နောက်တော့မှ သိလာရပါသည်။ “နင့်အဘိုး ကမြင်းကြောထတာဟဲ့”ဟု မေမေက ကွယ်ရာကျမှ တိုးတိုးကလေး ပြောပါသည်။ ကမြင်းကြောဆိုတာ ဘာလဲဟု ပြန်မေးသောအခါ “နင့်အဘိုး သွားမေးကြည့်”ဟု ငေါက်လွှတ်ပါသည်။ ထို့ကြောင့် ကျွန်တော်သည် သူရဲအလွန်ကြောက်သော်လည်း အရဲစွန့်၍ သွားချောင်းကြည့်ရာ မီးရောင်ကလေးမှိန်မှိန်တွင် မိန်းမတစ်ယောက်နှင့် အကြည်ဆိုက်နေသော ဘိုးဘိုးကို တွေ့ရပါသည်။ ထိုညက အပြန်တွင် ကျွန်တော် သူရဲမကြောက်တော့ပါ။ မေမေတို့ကို ပြုံးရုံသာမက ဟားဟားဟားဟုပင် ဟစ်၍ရယ်လိုက်မိပါသည်။

*ယခုအသံ file များကို ကြော်ငြာမပါဘဲ Mp3 နဲ့ ရယူချင်ပါက အဖွဲ့ဝင်ပြီး ရယူနိုင်ပါတယ်။
*အဖွဲ့ဝင်လိုပါက ဖော်ပြပါ 👇Link ထဲရှိ Messenger (သို့မဟုတ်) Viber မှတဆင့် စာပို့ဆက်သွယ်နိုင်ပါတယ်။
🔰 https://fliphtml5.com/site/13979096/i...
#lhaudiobooks #audiobooks
#မြန်မာဝတ္ထု #ဘုန်းမြင့်