U WAN WAD IA NGI || SHIKHUM ft. Rimeka Marbañiang || Official Music Video

Описание: Ioannis 3:16
"Naba U Blei U la ieit katta katta ia ka pyrthei katba U la aiti noh ia la U Khun ba la kha marwei, ba uei uei ruh uba ngeit ha U, un ym jot shuh hynrei, un ioh ka jingim bymjukut. "

Ngi pynpaw ka jingsngewnguh ia U Blei ba U la pynlah ia ngi sa shisien pat ban pynmih ia kane ka Music Video ' U WAN WAD IA NGI'. Ngi ngeit ba kane ka jingrwai kan long ka khubor ia ngi ba ngin kynmaw ia ka jingwanlong briew U Jisu Khrist. To ai ba ngin rakhe ia ka Khristmas da kaba ai jaka ia U Mynsiem Bakhuid hapoh dohnud jong ngi.
Na bynta ka burom U Blei Amen.


Instagram :https://www.instagram.com/shikhummusi...


Artist:
Ibamedaai Kharrymba, Forgivenson Kshiar,
Shembhalang Sohkhlet , Rimeka Marbañiang


Lyrics & Composer: Ibamedaai kharrymba

Music Arrangement: Raphael Myrthong

Mixed & Mastered: Shembhalang Sohkhlet

Video Directing & Editing: Mebanjop Marwein

Colour Grading: Xcentered Production



Special thanks:

Leadingstar Kharrymba
Luckystar Kharrymba.
Arnest Memorial Music School


Lyrics:

Ah peit lai ngut ki riewstad
I'U Khun Syiem ki ia wad
Pynban ha sem-mrad ki leit
Oh iano hangta ki peit
Ki rwai, Hosanna!
I'U Khun Syiem la kha

Cho: Oh sngewphylla, U leh kumta
U ieh la ka khet,
Ban wan wad ia nga
Ka b'la jot b'la rem
Emmanuel, Blei lem bad ngi
Jingieit ba maïan hangne ka paw
Jingaiei ba khraw

Ha sngap nangta na sem-mrad
Ki tuid jingrwai sngewtynnad
Wat ha miet tlang ba kynjah
La sur iaroh ki ïai rah
Ki rwai , Hosanna!
Nongpynim la kha


Cho: Oh sngewphylla, U leh kumta
U ieh la ka khet,
Ban wan wad ia ngi
Ki b'la jot b'la rem
Emmanuel, Blei lem bad ngi
Jingieit ba maïan hangne ka paw
Jingaiei ba khraw

Bridge: Ah balei ia U Syiem ym don jaka
Hato don mo i'u briew ha sem-mrad ban kha
To plie la dohnud, ngin plie la dohnud
U ai la jingim namar jong ngi khlem jingbynnud


Cho: Oh sngewphylla, U leh kumta
U ieh la ka khet,
Ban wan wad ia ngi
Ki b'la jot b'la rem
Emmanuel, Blei lem bad ngi
Jingieit ba maïan hangne ka paw
Jingaiei ba khraw

©Copyright
La mana bad khang ban upload biang ia kane ka video ne ka jingrwai ha Kano Kano ka platform khlem da ioh jingbit na ki trai..@COPYRIGHT ACT(1957)


#music #christmas #gospel