မြန်မာနောင်းရဲ့တပတ်တာအတွင်းသတင်းအစီအစဉ်

Описание: မြန်မာနောင်းရဲ့ တစ်ပတ်တာအတွင်း ထူးထူးခြားခြား ရှိခဲ့တဲ့ သတင်းတွေကို တင်ဆက်ပေးမယ့် အစီအစဉ်ကနေ ကြိုဆိုပါတယ်။

ဒီတပတ်ထဲ မှာတော့ ရှမ်းမြောက်မှာ ကိုးကန့်တပ်နဲ့ တအာင်းန်တပ်တွေ ၊ မြောက်ပိုင်း မဟာမိတ်အချင်းချင်း တိုက်ပွဲတွေက ဆက်ပြင်းထန်နေပါတယ်။

အာဏာသိမ်း စစ်တပ်က ဦးဆောင်ကျင်းပခဲ့တဲ့ အငြင်းပွားဖွယ်ရာ ရွေးကောက်ပွဲတွေအပြီးမှာ ဒီတပတ်ထဲ နေပြည်တော်မှာ ပြည်သူ့လွှတ်တော်နဲ့ အမျိုးသားလွှတ်တော်တွေ စပြီး ကျင်းပခဲ့ကာ စစ်ခေါင်းဆောင်မင်းအောင်လှိုင် ယုံကြည်စိတ်ချရသူ ဗိုလ်ချုပ်ကြီးဟောင်း အောင်လင်းဒွေးက အမျိုးသားလွှတ်တော် ဥက္ကဋ္ဌ ဖြစ်လာခဲ့ပြီး ပြည်သူ့လွှတ်တော်ဥက္ကဋ္ဌ အဖြစ် ကြံ့ဖွံ့ပါတီ ဉက္ကဌဖြစ်သူ ဦးခင်ရီ ရွေးချယ်ခံရပါတယ်။

အိန္ဒိယ မီဇိုရမ်ဘက်ကတဆင့် မြန်မာထဲဝင်ခဲ့ပြီး လက်နက်ကိုင်တပ်တချို့ကို စစ်သင်တန်းပေးကာ ဒရုန်းတွေ သယ်ပို့ပေးခဲ့တယ်ဆိုတဲ့ စွပ်စွဲချက်နဲ့ ယူကရိန်းနိုင်ငံသား ခြောက်ဦး၊ အမေရိကန်တစ်ဦးကို အိန္ဒိယက ဖမ်းဆီးစစ်ဆေးနေပါတယ်။

အာဏာသိမ်းစစ်တပ်ဟာ လေကြောင်းကနေ အရပ်သားပစ်မှတ်တွေကို တိုက်ခိုက်နေတဲ့အပြင် တော်လှန်ရေးအင်အားစုတွေ ထိန်းချုပ်ဒေသတွေက ရွှေမျှောတွေကိုပါ ပစ်မှတ်ထားလေကြောင်း တိုက်ခိုက်မှုတွေ လုပ်လာတဲ့အကြောင်းတွေကို ဒီတပတ် သတင်းအစီအစဉ်မှာ ကြည့်နိုင်မှာပါ။

တင်ဆက်-သဇင်လှိုင် ရိုက်ကူး-မြတ်ကြီး