Үелэх системийн дуу /Periodic table song/

Описание: Бэлтгэсэн:
Эрдэм шинжилгээний ажилтан
Э. Отгонжаргал
Б. Даваабал
Д. Мөнгөннаран
Б. Бат-Өлзий
Б. Мягмаргэрэл
Б. Мөнхцэцэг
С. Сүхбат
Л. Түвшинбаяр
М. Номин
Б. Өнөрсайхан

Ашигласан дуунууд:
1. Дэлхийгээ би мэднэ
2. Энхийн манаа
3. Катюша
Эх сурвалж: www.supercoloring.com

Хорвоо дэлхийн нууцыг
Хавтгай цаасан дээр томъёолсон
Хөгжил дэвшлийн түлхүүрийг
Хүмүүний ертөнцөд бэлэглэсэн
Агуу химич Менделеев таныг
Ард олноороо магтан дуулъя

Устөрөгч тэргүүтэй үелэх систем
Найман бүлэг долоон үетэй
Нэг нэгнээ түшин шүтэлцсэн
Зуун арван найман элементүүд

Шүлтийн сайн металлуудыг
Шүүж нэрлэж сурцгаая
Лити, натри, кали
Рубиди, цези, франци ч бий
Газрын шүлтийн металлуудыг
Гайгүй сайн цээжилцгээе
Берилли, магни, кальци
Стронци, бари, ради ч бий

Сканди, титан, ванади, хром
Манган, төмөр, кобальт, никель
Зэс, цайр, иттри, циркони
Ниоби, молибден, технеци, рутени
Роди, паллади, мөнгө, кадми
Лантан, гафни, тантал, вольфрам
Рени, осми, ириди, цагаан алт
Алт, мөнгөн ус, актин
Газрын ховор лантаниодууд
Гайхам сайхан өнгөтэй
Газрын шүлтийн металлуудын дараа
Химийн идэвхээрээ эгнэн зогсоно
Актиниодууд бид арван тавуулаа
Атомын энергийг судлахдаа
Ах дүү нарыг минь нээж
Алдарт эрдэмтдээр овоглосон юм

Нүүрстөрөгч, азот, хүчилтөрөгч, фосфор
Хүхэр, селен нь металл бишүүд юм
Хөнгөнцагаан, галли, инди, цагаан тугалга, талли
Хар тугалга, висмут нь бусад металлууд
Бор, цахиур, германи, арсени, сурьма
Теллур, полони металлиодууд юм
Фтор, хлор, бром, иод, астат нь
Давс үүсгэдэг галлогенууд юм
Гели, неон, аргон, криптон, ксенон
Радон нь инертийн хийнүүд юм.