კახეთი მსოფლიოს 10 არაჩვეულებრივ ადგილს შორის

Описание: მსოფლიოს 10 არაჩვეულებრივი ადგილი, რომლის შესახებაც არ გსმენიათ - ბრიტანულმა "ტელეგრაფმა" ამ სახელწოდებით რეიტინგი გამოაქვეყნა, რომელშიც კახეთი 5-ე ადგილს იკავებს.

მისი ავტორები ცნობილი მოგზაურები – სოფი იბოტსონი და მაქსომ ლოუველ ჰორმა არიან. მათი განცხადებით, აღნიშნული რეიტინგი იმ ადამიანებისთვის არის განკუთვნილი, ვისაც ყველაზე დაუვიწყარი და არაჩვეულებრივი მოგზაურობა სურთ.

“თქვენ შეიძლება არ გსმენიათ კახეთის შესახებ, მაგრამ იქ მოხვედრით თითქმის გარანტირებული გაქვთ მისი ყველაზე ცნობილი გამოგონება- ღვინო დააგემოვნოთ”, - წერენ ავტორები.

რეიტინგში ასევე მოხვდა სუდანის ქალაქი მეროე, ირანის- მეშჰედი, ინდოეთის ვეფხვების ნაკრძალი კანხა, იემენის კუნძული სოკოტრა, ინდოეთში ზანკარის მთიანი რაიონი, კამჩატკის ნახევარკუნძული და სერო დე ლოს სიეტე კოლორესის მთები არგენტინაში.