P2 ძლევაი საკვირველი

Описание: მოუვლენია ზეციერს, სახელსა ხმალი იცავდა,
დიდგორსა ხელსა მეფისა, წმინდა მახვილი ბზინავდა,
წინ მიუძღოდა მხედრობას, წყალ-სისხლი გაუყინ-ავდა,
ზურგს უკან ხევი დაკეტა, ვით ეშმა გაუჩინარდა.

დიდგორი ჩვენი ჯვარცმაა, ჩვენი რწმენისა გამოცდა,
მოგრაგნა აღმოსავლეთი, მოდის მანგლისსა გამოსცდა,
მოაქვს ცეცხლი და მახვილი, რა ჭოჭმანი და რა მოცდა,
მოვსულვართ უფლის მხედრობა, ზეცასა სულთა გამოხსნა.

აღთქმა ვუთხარი უფალსა, მივეცი წმინდა პირობა.
დიდია უფლის სახელი, დიდი იქნება გმირობა,
მტრის ჯარი უთვალავია, ჰგონია ჩვენი მცირობა,
მრისხანებს სპათა სიმრავლით,გზას მოვა ვერაგ-ჭირობა.

ზურგი ჩავხერგეთ ხევისა, წინ გველის ხმალთა რკინება,
მსტოვარი ამბავს მიიტანს,მტერი გზას გაიჭიმება,
ბრძოლა სასტიკი იქნება,მტკვარს მივა სისხლთა დინება,
თუ ბრძოლის ველსა დავეცით,ჩვენი ხმა ზეცას იქნება.

დავითმა ველსა დახედა, ჟამ-გასაყარი კარ-ებდა,
გეგმა დასახა სარდალმა, სიკვდილი ფასსა ადებდა,
ჩასაფრებულა ვერაგი, ღამეს დიდგორსა ათევდა,
დემეტრე ღამეს შეერთო, დიდგორს მახვილი გამეფდა.

სიკვდილი ველსა ყოფილა, ნადავლსა ვეღარ არჩევდა,
დიდგორის ხმალით იბრძოდა, ველს მოძახილი არხევდა,
წმინდა გიორგი ფარავდა, ტან-ხორცი გახმა, გახევდა,
მეფის ხმა ველის მზარავი, თბილისის კარსა აღწევდა.

დავითის ხმალმა იმარჯვა, სატანა ბედსა დანებდა,
სიკვდილი ხარბის ხელითა, თავთა თაკარას აგებდა,
მეფის სასწორმა დასძლია, სელჩუკი ზურგსა აქცევდა,
დააცხრო ქარი და გრიგალი,დროს მდინარება გაჩერდა.

ძლევაი საკვირველია, ზეს ნება საწირ-ველია,
დიდგორსა წმინდა გიორგის ,ცას ლოცვა აღუვლენია,
ბრძოლა უფლისა გრძელდება, დიდგორი გასავლელია,
უფლის სახელის დიდება, მახვილით დასაწერია.