Perwerdeya Gaziyên Şoreşê Bi Dawî Bû

Описание: Akademiya perwerdê ya Gaziyên Şoreşê îro bi dawî bû
Şervanên YPJ-YPG û QSD ên ku di pêngav û şerên cuda de parçeyek ji canê xwe dane û tevlê saziya gaziyên şoreşê bûne, îro perwerdeya xwe bi dawî kirin.
Şervanên ku di akademiya şehîd Rizgar de perwerde dîtin, piştî girtina dewrê berê xwe dan cihên cuda ên şoreşê da ku tevlê kar û xebatê bibin.
Nivîskara şoreşger Ronak Mûrad a ku bi xwe jî di akademiyê de perwerde daye şervanan girtina dewreya perwerdê pîroz kir û wiha got; “Bi qasî ku min li vir perwerde da, min ewqas jî girt. Ji ber wê ez bawerim ku wê her şagirtek ji şagirtên akademiya şehîd Rizgar li cihê ku berê xwe bidinê wê hem bidin, hem jî bigrin. Diyalektîka perwerdeya Rêber APO jî di vir de veşartiye. Ez girtina dewreya perwerdê li we tevan pîroz dikim”.
Dayê Şêrîn a ku dayîka şehîd Îsam û hevalê Ferhad Dêrik ku bi xwe jî hevalek gazî ye girtina dewrê li şervanan pîroz kir û wiha got; “Hevalên me yên gazî ne wek gaziyên dewletane. Ji ber rêhevalên me yên gazî heya henaseya xwe ya dawîn jî yek kêliyê dev ji tekoşîna xwe bernadin û berxwedaniyeke bê hempa raber dikin. Ji bo wê em bawerin ku yên welat azad bikin jî ev hevalên me yên gazî ne”.
Girtina akademiyê bi beşdarbûna hunermend Baran û bi dîlana şervanan bi dawî bû.

Navenda Ragihandina #YPJ