Inagurohet rruga Durres-Rrogozhine, Kryeministri Meta: Eshte nje veper arti (14 Qershor 2001)

Описание: Lajme Arkiva 2001

Rruga Durrës-Rrogozhinë ka përfunduar plotësisht duke u hapur sot për trafikun dhe mbikalimin në plepa. Në një ceremoni të thjeshtë, Kryeministri Meta ka inaguruar rrugën, një pjesë kjo shumë e rëndësishme e Korridorit 8.
"Faza e parë e Korridorit 8 tashmë po ecën me shpejtësi. Këto ditë fillon dhe asfaltimi i segmentit nga Rrogozhina deri në Elbasan. Pothuajse ka përfunduar dhe tashmë traafiku kalon në standarte europiane nga Librazhdi deri në Qukës. Tashmë ka filluar dhe puna nga Qukësi deri në Qafë-Thanë dhe këto ditë pritet të përfundojnë dhe tenderi ndërkombëtar për segmentin nga Elbasani në Librazhd. Pra, në këtë mënyrë ky korridor po bëhet realitet si dhe gjithmonë e më i prekshëm për qytetarët shqiptarë dhe jo vetëm për ata, por ne jemi të angazhuar të përshpejtojmë akoma më tej ritmet e përfundimit të fazës së parë dhe të vazhdojmë pastaj me fazat e tjera. Në këtë rast ju ftoj të gjithëve që të kalojmë mbi këto vepra arti ku përfundimi i së cilës simbolizon dhe përfundimin e këtij segmenti."
Ndërtimi i kësaj rruge është financuar nga Komisioni Europian me një shumë rreth 20 milionë euro. Rruga është e gjatë 28 kilometër dhe e gjërë 10,5 metra. Përveç këtij mbikalimi me gjatësi 400 metra janë ndërtuar gjithashtu dhe 5 ura. Punimet për ndërtimin e kësaj rruge kanë filluar që në janar të vitit 1998. Vetëm gjatë këtij viti, 2 firmat u mobilizuan ndjeshëm për të përfunduar kontratën./tvklan.al

Gazetare: Ornela Bego

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/