Tv Klan - Kurti: Strukturat paralele brenda insitucioneve të Kosovës

Описание: Nga 15 marsi në Kosovë do të nisë zbatimi i plotë i Ligjit për të Huajt dhe Ligjit për automjetet, që do të prekë në mënyrë direkte edhe komunitetin serb që jeton në veri të vendit.

Lajmin e bëri të ditur kryeministri Albin Kurti pas takimit me Përfaqësuesin e Posaçëm të BE-së për Dialogun Kosovë–Serbi, Peter Sørensen.

“Jam i sigurt se të gjithë ne do të dalim fitues nga zbatimi i këtyre dy ligjeve dhe besoj fuqishëm që më së shumti do të përfitojnë ata të cilëve edhe u drejtohet ky ligj”, tha Sorensen.

I dërguari i BE-së, Sorensen, theksoi rëndësinë që procesi të jetë gjithëpërfshirës, në përputhje me marrëveshjet e dialogut.

“Ne kemi ndjekur përpjekjet informuese dhe hapat përgatitorë të ndërmarrë nga institucionet e Kosovës dhe vërejmë pozitivisht përpjekjet e bëra për të siguruar një zbatim të rregullt të të dy ligjeve”.

Kurti nënvizoi gjithashtu se, paralelisht me zbatimin e këtyre ligjeve, do të nisë edhe një përpjekje e qeverisë së Kosovës për përfshirjen e strukturave paralele serbe në veri brenda kuadrit ligjor të Kosovës.

“Në Kosovë nuk duhet dhe nuk mund të ketë mekanizma ilegalë të cilët mirëmbahen e financohen nga një shtet jo miqësor e që nuk e njeh Republikën e Kosovës. Në këtë drejtim, Qeveria e Republikës së Kosovës ka nënvizuar rëndësinë e inkorporimit të plotë të sistemit të edukimit dhe atij shëndetësor në komunat me shumicë serbe brenda kornizës ligjore të Republikës së Kosovës”.

Lidhur me këtë synim, i dërguari i BE-së, Peter Sorensen, theksoi se i gjithë procesi duhet të zhvillohet në harmoni me marrëveshjet e arritura dhe angazhimet ndaj BE-së.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/