สะเทือนขวัญเวียงจันทน์อีกแล้ว! พบศพหญิงรอยสักนกยูง | ข่าวประเทศลาว | ເວົ້າໃຫ້ຟັງ Spill The Tea. EP22

Описание: ໃນວັນທີ 23 ກໍລະກົດ 2025, ເວລາປະມານ 19:00 ໂມງ, ໜ່ວຍກູ້ໄພອາສາເພື່ອປະຊາຊົນໄດ້ຮັບແຈ້ງເຫດສຸດສະທືອນຂວັນຈາກຊາວບ້ານໃນພື້ນທີ່ບ້ານເວີນກະເບົາ, ເມືອງປາກງື່ມ, ນະຄອນຫຼວງວຽງຈັນ ວ່າໄດ້ມີການຄົ້ນພົບສົບຖືກຄາດຕະກຳຝັງດິນຢ່າງໂຫດຮ້າຍ.

ຫຼັງຈາກໄດ້ຮັບແຈ້ງເຫດ, ໜ່ວຍອາສາກູ້ໄພເພື່ອປະຊາຊົນບໍ່ລໍຊ້າ, ໄດ້ປະສານງານກັບເຈົ້າໜ້າທີ່ຕຳຫຼວດ ເພື່ອຮ່ວມກັນກວດສອບພື້ນທີ່ເກີດເຫດ ແລະ ຊັນນະສູດພິກສົບຢ່າງລະອຽດ.

ຈາກການກວດສອບ ແລະ ຊັນນະສູດພິກສົບໃນເບື້ອງຕົ້ນ, ຄາດວ່າເປັນເພດຍິງ, ມີລັກສະນະເດັ່ນຄື: ຜົມສີບຣອນທອງ ແລະ ມີ ຮອຍສັກຮູບນົກຍູງຂະໜາດໃຫຍ່ຕັ້ງແຕ່ຕົ້ນຂາໄປຈົນເຖິງບໍລິເວນແອວ. ໃນຂະນະທີ່ພົບສົບ, ຜູ້ເສຍຊີວິດນຸ່ງເສື້ອສາຍດ່ຽວສີດຳ ແລະ ໂສ້ງຢີນຂາສັ້ນ.

ເນື່ອງຈາກສະພາບສົບທີ່ຖືກຝັງມາຫຼາຍວັນ ເຮັດໃຫ້ເລີ່ມມີການເນົ່າເປື່ອຍ, ທາງໜ່ວຍອາສາກູ້ໄພເພື່ອປະຊາຊົນຈຶ່ງໄດ້ດຳເນີນການ ຊາປະນະກິດສົບທັນທີທີ່ປ່າຊ້າລວມນາຊອນ ເພື່ອໃຫ້ເປັນໄປຕາມຫຼັກສາສະໜາ ແລະ ສຸຂະອະນາໄມໃນເບື້ອງຕົ້ນ. ພ້ອມກັນນີ້, ເຈົ້າໜ້າທີ່ໄດ້ອອກປະກາດຕາມຫາຍາດພີ່ນ້ອງຂອງຜູ້ເສຍຊີວິດ ເພື່ອແຈ້ງຂ່າວຮ້າຍ ແລະ ໃຫ້ຂໍ້ມູນເພີ່ມເຕີມໃນການສືບສວນຄະດີນີ້.

ເຈົ້າໜ້າທີ່ຕຳຫຼວດກຳລັງເລັ່ງດຳເນີນການສືບສວນສອບສວນ ເພື່ອລວບລວມພະຍານຫຼັກຖານ ແລະ ເບາະແສຕ່າງໆ ທີ່ກ່ຽວຂ້ອງກັບຄະດີນີ້ຢ່າງເຕັມທີ່, ເພື່ອນຳຕົວຜູ້ກະທຳຜິດມາລົງໂທດຕາມກົດໝາຍໂດຍໄວທີ່ສຸດ.

ເຫດການອັນໜ້າສະທືອນຂວັນນີ້ໄດ້ສ້າງຄວາມຫວາດຜວາ ແລະ ຄວາມບໍ່ສະບາຍໃຈຢ່າງຫຼາຍໃຫ້ກັບຊາວບ້ານໃນພື້ນທີ່, ເນື່ອງຈາກຈົນເຖິງຂະນະນີ້ຍັງບໍ່ມີການພົບເບາະແສທີ່ຊັດເຈນ ຫຼື ສາມາດຈັບກຸມຜູ້ຕ້ອງສົງໄສໄດ້. ຊາວບ້ານຕ່າງຮຽກຮ້ອງໃຫ້ເຈົ້າໜ້າທີ່ຕຳຫຼວດເລັ່ງຄີ່ຄາຍຄະດີໂດຍດ່ວນ ເພື່ອຄືນຄວາມສະຫງົບສຸກ ແລະ ຄວາມປອດໄພໃຫ້ກັບຊຸມຊົນ. ຂໍເປັນກຳລັງໃຈໃຫ້ເຈົ້າໜ້າທີ່ຕຳຫຼວດສາມາດຄີ່ຄາຍຄະດີນີ້ ແລະ ນຳຕົວຄົນຮ້າຍມາລົງໂທດໃຫ້ໄດ້ໂດຍໄວທີ່ສຸດ.