«Словы мацней» – Раман Абрамчук/Максім Гарэцкі

Описание: Музыка і перакладчык Раман Абрамчук чытае ўрывак з апавядання рэпрэсаванага празаіка Максіма Гарэцкага “Усебеларукі з’езд 1917-га года”.
СЛОВЫ МАЦНЕЙ:    • Плейлист  

Раман Абрамчук — музыка гурта “Гарадскі вал”, прыкметны выканаўца песень, у тым ліку на вершы сучасных беларускіх паэтаў. Раман быў схоплены падчас ланцуга салідарнасці ў сябе на раёне ў кастрычніку 2020 года. Праз мірнае выяўленне ўласнай пазіцыі вечар і ноч для Рамана ператварыліся ў пекла. Ён быў асуджаны на 10 дзён арышту па 23.34 і 23.4 КоАП.

Максім Гарэцкі (1893-1938) — адзін з галоўных празаікаў Беларусі першай траціны XX стагоддзя. Як і ўсе нашаніўцы — чалавек разнабаковых талентаў, аўтар апавяданняў, аповесцяў, п’ес, тэатральнай і літаратурнай крытыкі, перакладаў, збіральнік і публікатар фальклору, стваральнік шэрагу руска-беларускіх слоўнікаў, складальнік хрэстаматый і падручнікаў, аўтар першай “Гісторыі беларускай літаратуры”, любімы выкладчык у Віленскай беларускай гімназіі, БДУ, Горы-Горацкай сельгасакадэміі. Франтавік I сусветнай вайны і аўтар найлепшых твораў беларускай літаратуры пра гэтую вайну. Арыштаваны па справе “Саюза вызвалення Беларусі” ў 1930-м. На высылцы ў Расіі напісаў нямала выдатных твораў, у другой палове 1930-х знаходзіўся на вяршыні сваёй пісьменнніцкай формы. Паўторна арыштаваны ў новую хвалю сталінскага тэрору. Расстраляны.

#словымацней #БудзьмаБеларусамі

«Словы мацней» — відэапраект ад кампаніі «Будзьма беларусамі!», Саюза беларускіх пісьменнікаў і Беларускага ПЭН-цэнтра. У ім сучасныя дзеячы культуры, якія пацярпелі ад пераследу і ціску за культурніцкія акцыі пасля выбараў прэзідэнта 2020 года, чытаюць творы сваіх папярэднікаў, асуджаных у сталінскія часы.

БУДЗЬМА РАЗАМ:
Сайт https://budzma.by
Telegram https://t.me/budzmaby
Facebook   / budzmabelarusami  
VK http://vk.com/budzmabelarusami
Twitter   / budzma  
Instagram   / budzma