( ، من طنشك طنش، شيلة الموسم ، غاية الروعه؛ لاتفوتكم ،كلمات وأداء صالح العجي )

Описание: .........إلا الكرامه ............

لكل حاجه سعر والسعر دلال
إلا الكرامه مالها سعر معلوم

إغمظ عليها بين جفنك والاسبال
واحفظ رقمها سر والسر مكتوم

كم عزه ابتاعت على سوق الانذال
بيع الجواري والنتيجه ثمن شوم

من طنشك طنش ولاتلق له بال
ماانته على رجواه مجبر وملزوم

ذي مايقدر طيب قولك والافعال
لن يؤسفه كثر التعتاب واللوم

خله يروح بحال وانته على حال
لايحسبك ضايق وزاعل ومهموم

عيش المسافه بين عرضك والاطوال
وابقى بناموسك عن الذل محشوم

لن توقف الدنياء ورى كل ميال
كم ودعت من قوم واستقبلت قوم

الود ماهو باللح والترجال
والصدق لايحمل غباء كل موهوم

ماتكسر الفولاذ طقات الاربال
ولايعيب المعدن إن كان مثلوم

طبع الأصاله من شيم كل رجال
والنذل ماله حظ فيها ومقسوم

إحذر تغرك صحبة الناس الانذال
اللي بلا مبدأ ولانهج مرسوم

الريحه النتنه مرض داء وإشكال
والعود له نفحه زكيه ويشموم

أشمخ وحلق فوق هام الفضاء عال
الصقر ماتلوي جناحينه البوم

وان حدك الوقت الردي فز واحتال
والفرصه السمحاء على قنصها حوم

الضعف مايبني طموحات وآمال
والعزم ماعمره خذل كل زيزوم

ماكل من يفشل سقط بين الاوحال
والمنتصر في بعض الاحوال مهزوم

عيش التفائل كيفما جات الأهوال
وامسك بواحد فالسماء حي قيوم

أهم شي فالمسأله ناتج اجمال
والصدر له نقطه جليه ومرقوم

وانااوعدك مايحجب الشمس غربال
والريح ماتقلع جبل صم مردوم

...........
/ الشاعر صالح العجي