TNLA နဲ့ MNDAA ကြား နှစ်ရက်ဆက်တိုက် တိုက်ပွဲ ပြင်းထန်နေ | People's Spring

Описание: TNLA နဲ့ MNDAA ကြား နှစ်ရက်ဆက်တိုက် တိုက်ပွဲ ပြင်းထန်နေ

မတ် - ၁၅ ၊၂၀၂၆

ညီနောင်မဟာမိတ်တွေဖြစ်တဲ့ တအာင်းတပ်မတော်(TNLA) နဲ့ ကိုးကန့်တပ်မ တော်(MNDAA)တို့ ကြား ရှမ်းပြည်နယ်မြောက်ပိုင်း ကွတ်ခိုင်မြို့နယ်ကိုအခြေပြုပြီး မနေ့ကစတင်တဲ့တိုက်ပွဲဟာ ဒီနေ့ (မတ်လ ၁၅ရက်) မနက်ပိုင်းမှာ လည်း ဆက်လက်ပြင်းထန်နေတယ်လို့ဒေသခံ သတင်းရင်းမြစ်ကပြောပါတယ်။

စစ်ကောင်စီတပ်ဆီက သိမ်းယူထားတဲ့ ကွတ်ခိုင်မြို့နယ်အတွင်း နှစ်ဖက်တပ်တွေကြားနယ်မြေအုပ်ချုပ်ရေး ညှိနှိုင်းမှု အဆင်မပြေတာကနေ အစပြုတဲ့ ပဋိပက္ခဟာတစ်လအကြာ မတ်လ ၁၄ ရက်မှာတော့ ကျည်ပေါက်ပြီးတိုက်ပွဲဖြစ်ကြတာပါ။

မဟာမိတ်နှစ်ဖွဲ့ကြား တိုက်ပွဲ ဖြစ်တာနဲ့ပတ်သက်ပြီး နှစ်ဖွဲ့လုံးက အပြန်အလှန် ကြေညာထုတ်ပြီး အပြစ်တင်ထားကြပါတယ်။

MNDAA ကလည်း ကင်းလှည့်တဲ့သူတို့ အဖွဲ့ကို TNLA က တိုက်ခိုက်တာကြောင့်ခုခံတိုက်ခိုက်ရတာလို့ဆိုထားပြီး TNLA ကလည်း ကွတ်ခိုင်ဒေသမှာရှိတဲ့ တပ်စခန်းတွေကို MNDAA က တပြိုင်တည်း ထိုးစစ်ဆင်တိုက်ခိုက်တာလို့ဆိုထားတာပါ။

တိုက်ပွဲ ဒုတိယနေ့ ရုပ်သံမှတ်တမ်းအချို့လည်း လူမှုကွန်ရက်မှာ ပျံနှံလာနေပြီး လက်နက်ငယ်ပစ်ခတ်သံတွေ ရုပ်သံထဲမှာပါဝင်ပါတယ်။

ရှမ်းပြည်နယ်​မြောက်ပိုင်းသတင်း​တွေကို ဖော်ပြ​ပေး​နေတဲ့ ​ရွှေဖီ​မြေသတင်းဌာန ရဲ့ ဒီနေ့မနက်ပိုင်း သတင်းဖော်ပြချက်မှာတော့ TNLA တပ်စွဲထားတဲ့ ကွတ်ခိုင်ဗျူဟာကို MNDAA ကတိုက်ခိုက်​နေပြီး တိုက်ပွဲ​တွေပြင်းထန်​နေတယ်လို့​ပါရှိပါတယ်။

ရှမ်းမြောက်ဒေသခံ သတင်းရင်းမြစ်အသိပေးချက်အရကွတ်ခိုင်အပြင် ရှမ်းမြောက်က နမ့်ခမ်းမြို့နယ်နဲ့ နမ့်ဖက်ကာမြို့ ကြားမှာရှိတဲ့ TNLA စခန်းတွေကိုပါ MNDAA က ဒီနေ့မှာ တိုက်ခိုက်နေတယ်လို့သိရပါတယ်။

MNDAA ဟာ ကွတ်ခိုင်က TNLA ရဲ့စခန်းတွေကိုတိုက်ခိုက်တဲ့အပြင် ညီနောင်မဟာမိတ်သုံးဖွဲ ပူးပေါင်းအုပ်ချုပ်တဲ့ တရုတ် - မြန်မာနယ်စပ်ရှိ ကုန်သွယ်ရေးဂိတ်တွေ ဖြစ်တဲ့ မူဆယ် (၁၀၅)မိုင် နဲ့ ကျင်စန်းကျော့ဂိတ်တို့က တပ်ဖွဲဝင် ၄၇ ဦးကို MNDAAက ဖမ်းပြီး လက်နက်တွေ သိမ်းထားတယ်လို့ TNLAက ဆိုထားပါတယ်။

လက်ရှိ ဖြစ်ပွားနေတဲ့ ပြသာနာကို တွေ့ဆုံဆွေးနွေးညှိနှိုင်း တဲ့နည်းလမ်းနဲ့ အဖြေရှာသွားမယ်လို့ TNLA က ဆိုထားပါတယ်။

TNLA နဲ့ MNDAA ကြားဖြစ်ပွားနေတဲ့ စစ်ရေးပဋိပက္ခ နဲ့ပတ်သက်ပြီး အမျိုးသားညီညွတ်ရေးအတိုင်ပင်ခံကောင်စီ(NUCC)ကတော့ တိုက်ပွဲတွေချက်ချင်း ရပ်တန့်ပြီး နိုင်ငံရေးအရ ငြိမ်းချမ်းစွာ ဆွေးနွေးကြဖို့ မေတ္တာရပ်ခံလာပါတယ်။

𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴

#ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA