პოლიტიკური გზავნილები დასავლეთიდან -  თბილისის პოზიცია

Описание: ოფიციალური ლონდონის მიმართ ხელისუფლების რიტორიკა კიდევ უფრო მკაცრდება. ამჯერად მიზეზი დიდ ბრიტანეთის საგარეო უწყებაში საქართველოს საელჩოს საქმეთა დროებითი რწმუნებულის დაბარებაა.
ქართველ დიპლომატს საქართველოში ბოლო პერიოდში განვითარებული მოვლენების გამო ლონდონის მკაცრი პოზიცია გააცნეს. პოლიტიკოსების დაკავებას დიდი ბრიტანეთი ევროატლანტიკურ მისწრაფებებთან შეუთავსებლად მიიჩნევს, გაერთიანებული სამეფოსა და საერთაშორისო პარტნიორების მიმართ მმართველი გუნდის რიტორიკას კი ცრუ ბრალდებების და თავდასხმების სერიად აფასებს. განცხადებაში იკითხება გამაფრთხილებელი გზავნილიც დამატებითი ზომების მიღების შესახებ. დიდი ბრიტანეთისგან, რომელსაც ხელისუფლების მოქმედი და ყოფილი წარმომადგენლები უკვე დასანქცირებული ჰყავს, ოპოზიცია ახლა დამატებით პერსონალურ სანქციებს ელოდება. ხელისუფლება კი ოფიციალური ლონდონის გუშინდელ ქმედებას უსამართლო დამოკიდებულებად აცხადებს. საკმაოდ მწვავე იყო პარლამენტის თავმჯდომარის ტონი. მმართველი გუნდის ერთ-ერთი ლიდერი დიდი ბრიტანეთის ელჩს კონკრეტული განცხადებების გამო საერთაშორისო ხელშეკრულებების დარღვევაში ადანაშაულებს.
დიდი ბრიტანეთის გარდა დღეს ხელისუფლებამ გამაფრთხილებელი გზავნილი მიიღო საფრანგეთიდანაც.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.