Haradinaj: Jam i lirë. Franca kundërshton ekstradimin në Serbi

Описание: Gjykata franceze vendosi sot lirimin e ish-kryeministrit të Kosovës Ramush Haradinaj, duke mos marrë parasysh kërkesën e Serbisë për ekstradimin e tij. Prokuroria nuk ka arritur të faktojë, që Haradinaj ka kryer krime lufte, për shkak se dy herë ishte shpallur i pafajshëm në Hagë. Kreu i AAK-së Ramush Haradinaj bëri të ditur, se do të kthehet menjëherë në Kosovë, sapo të përfundojë plotësimi i dokumentacionit të nevojshëm.
Ramush Haradinaj: Proçedura sot u mbyll. Është refuzuar kërkesa për ekstradim, pra që tani jam i lirë. Shkoj të marr pashaportën në Strasburg, se është ende në polici. Jam i lirë të kthehem në Kosovë.
Haradinaj, pas lirimit përshëndeti qytetarët para gjykatës së Kolmarit, të cilët ishin mbledhur në mbështetje të tij. Kryeministri Edi Rama ka përshëndetur vendimin e gjykatës në Kolmar të Francës për lirimin e ish-kryeministrit të Kosovës Ramush Haradinaj.
“Mirësezbret sot edhe njëherë fitimtar në Prishtinën tonë. E drejta vonon, por nuk harron”.
Presidenti i Kosovës Hashim Thaçi ka komentuar vendimin për lirimin e kreut të AAK-së, si një lajm të mirë për Kosovën.
"Vendimi i Gjykatës së Colmar, që z. Haradinaj të kthehet në Kosovë, është lajm i mirë për familjen Haradinaj, për bashkëpunëtorët e tij dhe gjithë Kosovën. Edhe njëherë u vërtetua, që shpifjet e shërbimeve serbe kundër Ushtrisë Çlirimtare të Kosovës janë të paqëndrueshme dhe nuk përfillen nga bota demokratike".
Ramush Haradinaj u ndalua në janar të këtij viti në Francë, pas një fletëarresti të lëshuar nga Serbia. Pas proçesit që zgjati për gati katër muaj, kreu i AAK-së fitoi lirinë.
------------------------------------------
IN Tv Albania

Follow us:
  / intvalbania  
  / intvalbania  
  / intvalbania  

Offcial website:
http://intv.al