Jufka me mish pule - Jeta në Fshat - Albanian Village Life

Описание: Përshëndetje Miq!
Në këtë video do t'ju tregojmë se si të gatuajmë Jufka me mish pule

Receta 1. Jufka me mish pule
Përbërësit:
1 pulë fshati
kripë
ujë
Për Jufkat:
2 gota me miell
2 kokrra vezë
1 lugë kafeje kripë
1 lugë gjelle vaj ulliri
Për skuqjen e jufkave:
Gjalpë

Përgatitja:
Pulën e pastrojmë mirë, e copëtojmë dhe e vendosim në një tenxhere. Hedhim kripë, shtojmë ujë dhe e vendosim në zjarr që të ziejë.

Ndërkohë përgatisim jufkat. Në tavolinën e punës hedhim miellin, shtojmë vezët, kripët, vajin e ullirit, përziejmë mirë e mirë. Brumin e ngjeshim mirë e mirë, duhet të jetë brumë i fortë.
Për të bërë petat dhe për ti prerë kam përdorur një makineri manuale që është e posaçme për këtë punë.
Jufkat i lëmë të thahen ndërkohë që zien mishi i pulës.
Kur mishi ka zier, fillojmë me skuqjen e jufkave. Në një tenxhere hedhim gjalpë. Shtojmë jufkat, dhe i skuqim mirë me gjalpë. Pasi jufkat janë skuqur shtojmë lëngun e pulës. Sipër vendosim pjesët e pulës dhe më pas e vendosim në furrë.
Ju bëftë mirë.

Receta 2. Sallatë me portokall
Përbërësit:
2 portokalle
1 kokërr qepë
kripë
rigon
vaj ulliri

Përgatitja:
Në një enë grijmë portokallin dhe qepën. Hedhim kripë, rigon dhe vaj ulliri.
Përziejmë dhe sallata është gati.

Nëse ju pëlqeu video na mbështesni duke klikuar Like, Share dhe duke Komentuar. Klikoni SUBSCRIBE ‪@everythingaboutvillage‬ për më shumë video nga jeta në fshat, natyra e fshatit, traditat e fshatit dhe punët e ndryshme që realizohen në fshat.
Faleminderit.