وازعي ومحمدي 🔥 2025 | نخبة من الشعراء | جفران بن هضبان - سلطان بن نايف
Автор: مهدي الراجحي - Mahdi Alrajhi
Загружено: 2025-06-09
Просмотров: 17639
Описание:
قصيدة الحفل
فهد بجاد
يوم اربع وعشرين ذو القعده على تال النهار
بنات فكري تستحل السبحه اللي فـ يدي
في قمة اللي قمته ما رامها غير الحرار
حولت منه بقافٍ مسري و ليلٍ سرمدي
خدمه لـ بيضان الوجيه اللي لهم قدر و وقار
اخواني اللي طولوا راسي و طاولت الجدي
انا وفرسان القصيد اللي على قب المهار
بـ اقلامنا اللي تفحم الشعار ، ماهيب تعدي
يا ابو محمد والثنا فـ اسمك محط الافتخار
في ليلةٍ تفرح بها كني مْبشر بـ ولدي
محمد راشد
البخت صار بحفلك المبخوت هذا باختصار
مبروك ياخيرة بني عمي وذخري وسعدي
نجمك ياناصر بن محمد طاول نجوم المدار
الين تكّى بينها على البساط الاحمدي
الله من طيب السريره والدماثه والوقار
والسيره العطره وطيب الراس والراي القدي
في لازمك حث الهمم يطغى على حث العذار
واجيك مرهي حالي ومالي وشعري وجهدي
من طيبك ضيوفك لفو عانين من شتى الديار
واهل الوفا والطيب من جاهم مشي جو له عدي
محمد الرويبخ
ي مرحبا رحبً لافليناه لطوال العمار
كنا نلبس خدةً البيدا غمامه وبردي
على معاميد البيوت اللي ينوج ابها الشنار
وتضحي بها الامداح و ابواب الحديث السرمدي
ف حلال ابو ماهر ولاد هميل مفحمت المهار
يوم الشجاع يهاب ظله والمجاويخ تغدي
مانيب من يرضى ع ربعه ولو كبر الزرار
ولاهجر مجالسهم ولا ابخل لادعوني بجهدي
ولا شقر عصا ربعي وانا طيرً ليا شلع وطار
حرً جناحينه بربعه وازعي ومحمدي
مشعل العرجاني
ليلةٍ تضفي فخامتها على قصر الفخامه
اعتبرها من ليال العيد من بين الليالي
في مقام الصاحب اللي رافع ربي مقامه
كاسبٍ مدح البعيد وكاسب مدح الموالي
الرفيق اللي يبادرني بـ حرصه واهتمامه
انا دونه بالقصيد ودونه بـ حالي ومالي
بيننا عهدٍ ( يجمّعنا ) .. على عز وكرامة
حتى لو ماهو بابن عمي ولاهو بابن خالي
كيف ما آلبي نداه وكيف ما آثمن كلامه
والعزيمة غاليه ومعزب الضيفان غالي
عبدالله السراهيد
أرجحٍ مهما يضيق الكون ما تبرد عظامه
عادته يبجد ( تهاتيه الدروب ) ولا يبالي
أذكره وآقابل ظروفي بضحكة وإبتسامة
أدري أني كل ما شان الزمن ماني لحالي
في كنف ليلٍ ما يسبق مرحباه الا سلامه
ميّل عقالك يابو محمد وابا آميل عقالي
سعد عين اللي على الشدات يعتبرك حزامه
المواقف .. ما لها الا راس حماي التوالي
يا ذخر من روسهم تطبخ سعاطير وقرامة
البقوم اهل الثناء واهل المديح اول وتالي
سيرة سهوم المنايا أهل التسلطن والزعامة
حاضرٍ يكمل مسير أمجاد .. الايام الخوالي
Повторяем попытку...
Доступные форматы для скачивания:
Скачать видео
-
Информация по загрузке:
