Ministrja Koçiu inspekton masat për menaxhimin e fluksit në Portin e Durrësit

Описание: Ministrja e Punëve të Brendshme, Albana Koçiu zhvilloi një vizitë në Portin e Durrësit për të inspektuar nga afër masat e marra për menaxhimin e fluksit të lëvizjeve gjatë periudhës së festave të fundvitit. Ministrja u shoqërua nga Kryetarja e Bashkisë Durrës, Emiriana Sako, si dhe Drejtori i Portit të Durrësit, Liburn Aliu.

Gjatë inspektimit, ajo theksoi rëndësinë e Portit të Durrësit, si një nga pikat kryesore hyrëse e dalëse të vendit, veçanërisht në këtë periudhë kur flukset e lëvizjeve janë të shtuara, si për shkak të kthimit të bashkatdhetarëve për festat, ashtu edhe të qytetarëve që udhëtojnë jashtë. Ministrja vuri në dukje se Porti i Durrësit mbetet pika me intensitetin më të madh të lëvizjeve detare dhe se garantimi i sigurisë publike dhe lehtësimi i procedurave janë në fokus të institucioneve. Ajo informoi gjithashtu për gatishmërinë e shtuar të strukturave të Policisë së Shtetit, të cilat kanë forcuar praninë fizike në pikat kufitare dhe kanë rritur numrin e sporteleve në rast nevoje.

“Situatat janë dinamike dhe ne veprojmë duke konsideruar flukset e lëvizshmërinë. Është koordinim ndërinstitucional, pra është Policia e Shtetit, por edhe Dogana Shqiptare, Autoriteti Portual, janë gjithë strukturat që ndërveprojnë më njëra-tjetrën me qëllim që të lehtësohet i gjithë fluksi dhe shërbimi që merret në sportelet këtu”, evidentoi Koçiu.

Në këtë kontekst, ministrja theksoi edhe rëndësinë e bashkëpunimit rajonal, duke bërë të ditur se gjatë fundjavës ka zhvilluar bisedë me homologun nga Kosova për bashkërendimin e punës në pikat kufitare tokësore. Mirë-koordinimi ndërkufitar përfshin edhe pikat me Malin e Zi, Maqedoninë e Veriut. Ky koordinim synon përshpejtimin e procedurave në të dy anët e kufirit, në shërbim të qytetarëve.

Duke u ndalur edhe te sfidat e qarkullimit rrugor në qytete si Durrësi dhe Tirana, ministrja siguroi se të gjitha autoritetet janë në gatishmëri të plotë, me synimin që qytetarëve t’u garantohen festa të qeta e të sigurta.

Më tej, Koçiu bëri me dije se Porti i Durrësit dhe i Sarandës do të përfitojnë nga një investim i rëndësishëm që nis në fillim të vitit të ardhshëm, përmes instalimit të portave elektronike hyrëse-dalëse, e-Gate, të cilat do të kontribuojnë në përmirësimin e ndjeshëm të qarkullimit dhe shërbimit ndaj qytetarëve.

23.12.2025


Subscribe:    / @ministriaebrendshme1200  

Abonohu:    / @ministriaebrendshme1200  

For more visit: https://mb.gov.al/


Subscribe to "Ministria e Punëve të Brendshme " on YouTube Channel
Shows HERE:
   / @ministriaebrendshme1200  


For more content from click HERE:
https://mb.gov.al/


Like Ministria e Punëve të Brendshme on Facebook HERE:
https://www.facebook.com/punetebrends...


Follow Ministria e Punëve të Brendshme on Instagram HERE:
  / ministria_brendshme  


Follow Ministria e Punëve të Brendshme on Twitter HERE:
https://x.com/punetebrendshme