Արմեն Մովսիսյան-«Սասնո աշխարհ»

Описание: Ծանոթացեք`Արմեն Մովսիսյանն է,«Սասնո աշխարհ» երգի իր անկրկնելի կատարումով։

Երեկ,ի շնորհիվ իմ լավ ընկեր Տիգրան Մադոյանի _ի,առիթ ունեցա ներկա գտնվել «Մասունք» ավանդական երգի-պարի համույթի կազմակերպած հանդիպմանը այս կյանքով լեցուն,մածանուն ՀԱՅԻՆ,ինչի համար անչափ շնորհակալ եմ այդ մեծ ընտանիքին☀️

Հնարավոր չէ նկարագրել այն պահը,երբ օդում տարածվում է նրա զուլալ ձայնը։Երգը բխում է նրա հոգուց,իսկ պարը`ծնունդ առնում արմատներից։Երբ ներկաների աչքերը փայլում են ազգային սիրուց`ստիպելով թևավորվել։
Պահ,երբ ՀԱՅ լինելու ու նման մարդկանց սերունդը հանդիսանալու հպարտությունը հասնում է անսահմանության 💫
Ուղնուծուծով սասունցի Արմեն Մովսիսյանը «Մասունք» համույթի հիմնադիր անդամներից է։Մարդու տեսակ,ով կապրեցի ու հայեցի կդարձնի իր շրջապատում գտնվող ցանկացած մեկին։Մարդ,ում արտասանած ամեն բառի ենթատեքստում հայրենասիրություն է ամփոփված։Մարդ`ում հանդիպելը երջանկություն է,ում կարելի անվերջ լսել,սովորել,սովորել... ✨
_______________
Հե՜յ, Սասնա սարեր բանցրիգին,
Սասնա գետեր քաղցրիգին,
Վըր սարերուն սեր ու հավատ կըշնգեր,
Վըր գետերուն Դավթի ջաղաց կըզնգեր:

Հե՜յ, Սասնա սարեր մշուշին,
Սասնա ձորեր անուշին,
Վըր ժայռերուն Ֆիդայու կանչ մոլորվեր,
Մըջ այրերուն հույսի օրոցք կօրորվեր:

Հե՜յ, ելեք հայեր, քաջ հայեր,
Ելեք Սասնա տան ծռեր,
Ֆիդային զարկվե՝ քարը կրծքին, աչքը բաց
Ու ականջը մոսենու ձենին պահած:

Հե՜յ, կռիվ էղավ Սասունում,
Արյուն հոսեց Սասունում,
Մեղուն ծաղկին, ձուկ մեջ ջրին մոլորվե,
Բայց պապերը դեռ թոռներին չեն պատմել:

Հե՜յ, Սասնա գետեր կըխշշան,
Սասնա վերքեր կըվշշան,
Հըդ ջրերուն արուն կերթեր, վերջ չկար,
Մըջ սրտերուն փոշ ու կալամ, ճար չկար:

(Հեղինակ.`Գևորգ(Ժորա) Հակոբյան)