Arvizu & Ina Rama kërkojnë ndryshime mbi ligjin e imunitetit të zyrtarëve të lartë-(14 Korrik 2011)

Описание: Lajme Arkiva 2011

Arvizu: Imuniteti pengon

Hetimin e zyrtarëve të korruptuar

Ambasadori amerikan në Shqipëri Aleksandër Arvizu kërkon ndryshimin e legjislacionit në drejtim të kufizimit të imunitetit për zyrtarët e lartë. Gjatë diskutimit në ceremoninë e organizuar me rastin e mbylljes së programit të “Sfidës së mijëvjeçarit”, diplomati amerikan tha, se çdo person duhet të hetohet.

Arvizu pohoi se imuniteti pengon hetimin e zyrtarëve të lartë të përfshirë në afera korruptive.

Aleksandër Arvizu: “Së fundmi dua të përmend konceptin e imunitetit sepse asnjë diskutim për sistemin e drejtësisë në Shqipëri nuk është i plotë pa përmendur imunitetin. Shumë vende evropiane u japin vende të caktuara imuniteti të kufizuar zyrtarëve publikë. Ndërsa Shqipëria qëndron e vetme në faktin që kufizon të gjitha veprimtaritë hetimore që mund të kryhen kundër gjyqtarëve dhe zyrtarëve të lartë publikë. Kjo lloj pamundësie për të kryer hetimet , pengon për të kryer veprime hetimore pengon hetimet në Shqipëri.”

Ina Rama: Akuzat retorike politike

Me Metën takohemi në gjyq

E pyetur për propozimet konkrete të ambasadorit Arvizu , për heqjen e imunitetit për zyrtarë të lartë, Ina Rama theksoi se organi i akuzës ka shprehur qëndrimin e tij lidhur me çështjen e imunitetit.

Ina Rama: “Ka qenë me vërtet një pengesë për hetimin. Kemi dhënë edhe propozime konkrete sesi ai mund të kufizohet, po kjo ngelet një çështje e vullnetit politik, nuk është një çështje që zgjidhet nga prokuroria.”

Pas ceremonisë përmbyllëse kryeprokurorja theksoi se çështja në ngarkim të kreut të LSI, Ilir Meta do të sillet në sallën e gjyqit. Ajo e konsideroi si retorikë politike akuzat e bëra nga kryetari i LSI, Ilir Meta i cili ka deklaruar se organi i akuzës është kthyer në një celulë politike ekstremiste.

Ina Rama: “Është një retorikë politike. Gjithçka që kemi për çështjen ne ja kemi lënë sallës së gjyqit.”/tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/