वेबीनार - 10 | डाळिंबरत्न श्री. बी.टी. गोरे | अडचणीच्या काळातील शाश्वत डाळिंब शेती.

Описание: वेगाने विकसित होणाऱ्या मात्र अद्यापही कृषिप्रधान असलेल्या भारतासारख्या देशात शेतीला विविध प्रकारच्या अस्मानी आणि सुलतानी संकटांना तोंड द्यावे लागते. या पार्श्वभूमीवर शेतीची शाश्वतता वाढविणे म्हणजेच अनिश्चितता कमी करणे अत्यंत महत्त्वाचे आहे. हीच गोष्ट लक्षात घेऊन ओम गायत्री समूहाने डाळिंब उत्पादनातून शाश्वत शेतीची ‘नांदी’ या विषयावर ऑनलाइन परिसंवादाचे आयोजन केले आहे. या सत्रात डाळिंबरत्न श्री. बी.टी. गोरे डाळिंब उत्पादकांना मार्गदर्शन करणार आहेत.
डाळिंब उत्पादकांना गुणवत्तापूर्ण डाळिंब उत्पादनासाठी जमीन आरोग्य व्यवस्थापन, डाळिंब प्लॅन्ट फिजिओथेरपी, रोगप्रतिकारक क्षमतेसाठी अन्नद्रव्यांचा वापर, निर्यातीसाठी आवश्यक कार्यपद्धती, गुणवत्तापूर्ण रोपांचे महत्व, जमिनीची सुपिकता व पिकाचा दर्जा वाढवणे, डाळिंबामधील अजैविक ताण, समस्या व उपाय, बहारानुसार कीड व्यवस्थापन, संरक्षणामधील महत्त्वपूर्ण बाबी या विषयावर शेतकऱ्यांशी हितगुज साधला जाणार आहे.
शेतकऱ्यांना निश्चित उत्पन्न देईल, अशा शाश्वत शेतीसाठी शेतकऱ्यांना मदत करणे, हे या ऑनलाइन सत्राचे उद्दिष्ट आहे.