WALANG IKAW at AKO

Описание: WALANG IKAW at AKO
[original song, isinulat ko to last year, para sa isang kaibigan 😊].

[Verse 1]

 Hi, ako na naman, kumakatok sa dilim,

Kwento ng pusong hindi mo napapansin, 

Takot ang unang bumuo ng umaga, 

Ngiting pilit kahit wasak na talaga. 


Hindi ito pamamaalam, pahinga lang sandali, 

Pero bakit parang ako lang ang may paki? 

Sa bawat halakhak may bakas ng yapak, 

Mga alaala mong sa dibdib ko’y nakatatak.


 [Pre-Chorus]

Nandito lang ako, sa gilid ng mundo mo,

Pinapanood ang ngiti mong di para sa’kin, totoo…


 [Chorus]

Sa puso ko’y ikaw ang mahal, 

Pero sa’yo ako’y kaibigang banal, 

Sigaw ko’y tahimik lang, 

Sa mundo mong walang “tayo” kailanman. 


Gusto kitang yakapin nang mahigpit, 

Pero biro lang ako sa bawat saglit, 

Kung hanggang kaibigan lang ang tingin mo sa’kin, 

Mananahimik na lang… kahit ako’y durog sa hangin. 


[Verse 2] 

Mga matang lumiliit kapag ika’y tumatawa, 

Sa puso ko’y marka na di mabubura, 

Pag-ibig kong lihim, nasabi na minsan, 

Pero tila hangin lang sa’yo — walang laman. 


Sa mata ko’y ikaw ang bituin, 

Sa gabi ko’y ikaw ang hiling, 

Pangarap na ayaw magising, 

Dahil pagmulat ko, wala ka pa rin. 


[Pre-Chorus 2] 

Gusto man kitang akayin pataas, 

Pero gusto mong lumipad nang patas, 

Sabi mo “hanggang dito na lang,” At ako’y ngumiti…

kahit nagdugo ang damdamin ko’t isipan. 


[Chorus ]

Sa puso ko’y ikaw ang mahal, 

Pero sa’yo ako’y kaibigang banal, 

Sumigaw man ako sa ulan, 

Hindi maririnig ng pusong di para sa’kin kailanman. 


Gusto kitang yakapin nang mahigpit, 

Pero sa’yo laro lang ang sakit, 

Kung hanggang kaibigan lang ang kaya mong ibigay, 

Ako’y mananatili… pero unti-unting mawawala sa’yong buhay. 


[Bridge] 

Ang kwento na hindi nabuo, 

Ako lang ang karakter dito, 

Mag-isa sa librong sinulat ko, 

Dahil kahit kailan… Walang “Ikaw at Ako.” 


[Final Chorus] 

Sa puso ko’y ikaw ang mahal… 

Pero hindi mo ako kayang mahalin… 

At sa huli, ako’y tatayo pa rin, 

Kahit wasak ang lahat sa loob ko… 


Dahil sa librong ito— 

Ako lang pala ang nandito.