એક સમયે ભોળા શિવ શંભુ | Ek Samaye Bhola Shiv Shambhu | Gujarati Bhajan

Описание: Gujarati Bhajan by Shyam Mahila Mandal (SMM), Navsari.
-"ભજન નીચે લખેલું છે"-
:
શ્યામ મહિલા મંડળ, નવસારી
Application: https://play.google.com/store/apps/de...
Website : http://smm.tss.ai/
Facebook :   / shyammahilamandal  
Instagram :   / shyammahilamandal  
:
#GujaratiBhajan, #Bhajan, #ShyamMahilaMandal, #KrishnaBhajan, #Kanudo, #Kanhaiya, #RamSita, #JaiShreeRam, #SitaRam, #Bholanath, #ShivShankar, #Mahadev, #Shraddhanjali, #MataPitaBhajan, #GanapatiBappa, #BappaMorya, #RiddhiSiddhi, #Ganesh, #AshtaVinayak, #Ranchhod, #Shyam, #MahilaMandal, #SaiBaba, #SainathMaharaj, #ShraddhaSaburi, #Adhikmas, #SMM, #JaiAmbe, #AmbeMa, #Mataji, #Aradhana, #Navratri, #GujaratiGarba, #Garba, yt:cc=on


ભજન :- રાગ :- સાકર માખણ સાથે ઝભલા ને ટોપી......


એક સમયે ભોળા શિવ શંભુ
બેઠા છે એના ધ્યાનમાં રે ભોળા શિવ શંભુની જય બોલો

એ રે સમયે માતાજી આવ્યા
એણે શિવજીને જોયા રે ભોળા શિવ શંભુની જય બોલો

માતાએ શિવજીના ગળામાં જોયું
ગળામાં મુંડોની માળા રે ભોળા શિવ શંભુની જય બોલો

માળા જોઈને મનમાં મૂંઝાણા
આ તે કોના મુંડો રે ભોળા શિવ શંભુની જય બોલો

માતાએ શિવજીને પ્રણામ કરી પૂછ્યું
આ તે કોના મુંડો રે ભોળા શિવ શંભુની જય બોલો

શિવજીએ માતાને એમ જ કીધું જેટલા જન્મો તમે રે ધર્યા
એટલા મુંડોની માળા રે ભોળા શિવ શંભુની જય બોલો

માતાએ શિવજીને એમ જ કીધું અમર થવાનો મારગ બતાવો
અમર કથા સંભળાવો રે ભોળા શિવ શંભુની જય બોલો

શંકર પાર્વતી ત્યાંથી રે ચાલ્યા
આવ્યા છે અમરનાથ ધામમાં રે ભોળા શિવ શંભુની જય બોલો

અમરનાથની ગુફામાં આવ્યા
ગુફામાં બેસણા કીધા રે ભોળા શિવ શંભુની જય બોલો

શંકર કહે આ તો અમર વાર્તા
કોઈથી નો સંભળાય રે ભોળા શિવ શંભુની જય બોલો

ત્રણેય લોકને તાબે રે કરવા
શંકરે તાળી પાડી રે ભોળા શિવ શંભુની જય બોલો

એક એક યુગની કથા રે કહેતા
પાર્વતી ધ્યાનથી સુણતા રે ભોળા શિવ શંભુની જય બોલો

ભોળાનાથ માતાને એમ જ કહેતા
તમે રે રામ રામ બોલજો રે ભોળા શિવ શંભુની જય બોલો

માતાજી ત્યારે નિંદ્રામાં ચાલ્યા
તો યે રામનામ બોલાય રે ભોળા શિવ શંભુની જય બોલો

ત્યારે શંકરજી મનમાં વિચારે
રામ નામ ક્યાંથી બોલાય રે ભોળા શિવ શંભુની જય બોલો

ત્યારે શંકરજીની દ્રષ્ટિ રે પડી
કબૂતર રામ નામ બોલે રે ભોળા શિવ શંભુની જય બોલો

શંકરજી ત્યારે ક્રોધે ભરાણા
તેણે ત્રિશુળ હાથ ધર્યું રે ભોળા શિવ શંભુની જય બોલો

ભોળા કબૂતર શિવજીને વિનવે
અમર કથા અમે સાંભળી રે ભોળા શિવ શંભુની જય બોલો

તમે અમારો સંહાર કરશો
અમર કથાનું માન ઘટશે રે ભોળા શિવ શંભુની જય બોલો

ભોળાએ ત્યારે મનમાં વિચારી
કબૂતરને અભયદાન આપ્યા રે ભોળા શિવ શંભુની જય બોલો

ભોળાએ હિમલિંગ સ્વરૂપ ધર્યું
ગુફામાં વાસ જ કરીયા રે ભોળા શિવ શંભુની જય બોલો

અમરનાથની અમર કથા જે કોઈ ભક્તો ગાશે ગવરાવશે
અમરનાથમાં વાસ એનો થાશે રે ભોળા શિવ શંભુની જય બોલો