Алаяқтық дегеніміз не?

Описание: Қылмыстық кодекстің 190 - бабы бойынша жауапкершілігі біліктілік белгілеріне байланысты 1000 айлық есептік көрсеткіштен бастап 10 жылға дейін бас бостандығынан айрылады. Соңғы кездерде интернет алаяқтық көбейіп кетті.
Сонымен, алаяқтық дегеніміз не?
Егер құрғақ заң тілімен айтсақ, алаяқтық, яғни бөтен біреудің мүлкін жымқыру, алдау немесе сенімді теріс пайдалану жолымен бөтен мүлiкке құқықты иемдену.
Ал егер қарапайым адам тілімен айтар болсақ, мүлік деген не екенін түсіндіруден бастайық.
Бұл пәтер, көлік, ақша болуы мүмкін. Жымқыру жасаған кезінде бұл мүлікке жәбірленушінің көлікке техникалық куәлігі, пәтер иесінің құжаты, жер актісі болуы керек.
Бұл қылмыстың көп болуына адамдардың өздері кінәлі, себебі біздің адамдардың шексіз сенімділігі мен бір нәрсені аз ақшаға алу арманы. Осыны қылмыскерлер пайдаланып кетеді.
Алаяқтықтың ұрлықтан және тонаудан айрмашылығы неде? Алаяқтық жасаушы мүлікті алдаумен немесе сенімді теріс пайдалану жолымен бөтен мүлiкке құқықты иемденеді. Мұнда ешқандай зорлық пен қорқыту жоқ.
Алдау дегеніміз не? Қылмыскер мүлігіңізді тартып алу мақсатымен, алдын ала ойластырып, сізді алдап тұрады. Мысалы, сізге жерге жасанды акті көрсетіп, алдын-ала салым алып, сіздің ақшаңызбен жоғалып кетеді.
Сенімді теріс пайдалану дегеніміз жәбірленуші мен алаяқшы бір – бірін бұрыннан таниды. Мысалы, компанияның құрылтайшысы мен директор. Құрылтайшы директорге сенеді, ал сол сенімді пайдаланып, компанияның ақшасын иемденіп кетеді. Ол туысқандардың ұсынысы немесе кінәлі адамның лауазымды мәртебесі болуы мүмкін.

Алаяктықтықты дәлелдеу қиын. Алдымен кінәні дәлеледеу керек. Ол деген не? Адам оның қоғамға қарсы жасап тұрғанын түсіну, жәбірленушіге зиян келтіретінін сезу және сол мақсатқа жеткісі келу. Егер тұлға жәбірленушіні алдап жүргісі келіп тұрғаны дәлелденбесе, іс жабылады.
Егер шартты орындай алмаса, арыз бойынша тергеу жургізілмейді, өйткені бұл азаматтық құқыққа байланысты. Егер жәбірленушілерден топ құрылып, алаяқшылар олардың бәрін бірдей жүйелі түрде алдап жүрген болса, онда іс қозғауға мүмкіндік бар.
Егер сізді біреу алдап кетсе, адвокатқа барыңыз. Ол сізге қалай арыздану, қандай дәлелдер қосу керек екенін түсіндіріп береді.
Ал егер сіздің үстіңізден арыз түссе, міндетті түрде кәсіби адвокатқа жүгініңіз!