SURAH AL-INSAAN (UMUNTU) || ISOBANUYE MU KINYARWANDA

Описание: Surah Al-insaan (Umuntu)

Ni isurat ya 76 muri Qoran ikaba igizwe na ayah 31.

🔘 Ni isurah muri rusange igamije kuyobora no gufasha kwereka abantu inzira bashobora guhitamo maze bakagera ku buyobozi bw’Imana Nyagasani (bashimira); ikanerekana ibyo abazabona ijuru bazahembwa n’ibyo abazajya mu muriro bazahanishwa!
🔹🔹🔹🔹🔹🔹🔹

Iyi surah igabanyije mu ngingo 4 z’ingenzi:

🔹Ingingo ya mbere:
(Ayah ya 1 - 4)

Muri izi ayah; herekanwa ko ukuremwa no kuyoboka k’umuntu biri mu maboko y’Imana, zigakomeza kandi zivuga ko Imana yaremye umuntu ikamuha ibyamufasha kumenya inzira y’ukuri bikamuyobora; inamuha amahita ko nashaka ayoboke cyangwa se ahakane; gusa uhakana hari ibihano bibabaza yateguriwe ku munsi w’imperuka n’uwemera kuyoboka hari ibihembo yateganyirijwe.

🔹Ingingo ya kabiri:
(Ayah ya 5 - 22)

Muri izi ayah; Imana Nyagasani iturangira abo twafatiraho urugero mu guhitamo inzira y’ukuri yo gushima, igakomeza iduhamagarira kuba nk’abagandukiramana b’ukuri; aho bo bita ku munsi w’imperuka bakanawuha agaciro kenshi, bagakora ibikorwa byabo bashaka kwishimirwa n’Imana gusa maze bakirengagiza iby’isi kubera gushaka ukwishimirwa guturutse kwa Nyagasani.

🔹Ingingo ya gatatu:
(Ayah ya 23 - 28)

Aha Imana Nyagasani iba ibwira intumwa y’Imana Muhammad(s) ngo yihanganire imyitwarire mibi y’abahakanyi n’abanyabyaha yo kuba imbongamizi k’ubuyobozi bwa Nyagasani kandi ntakabumvire mu gikorwa icyaricyo cyose

🔹Ingingo ya kane:
(Ayah ya 29 - 31)

Isurah isozwa irimo guhamagarira abantu bose kuyoboka inzira y’Imana Nyagasani banakura isomo mu byavuzwe byose muri ayah zose zabanje; kuko ngo ibyavuzwe byose ni urwibutso ku bantu ku buryo bashobora kubikoresha bayoboka inzira y’ukuri ya Nyagasani wabo.

📚 تدبر در قرآن کریم ، ج۵

Yikurikire yose mu kinyarwanda hano:

   • SURAH AL-INSAAN (UMUNTU) || ISOBANUYE MU K...  

🌹Ntiwibagirwe gukora SUBSCRIBE no kuyisangiza abandi bavandimwe
Murakoze