Bu qadınlar spiral qoymasın! - DİQQƏT!

Описание: Şəhla Hüseynova (Ginekoloq)
Tel: 050 989 82 52
İnstaqram: Ginekoloq_shehla.huseynova
Facebook: facebook.com/Dr.ShehlaHuseynova/

Spiral yad cism olaraq uşaqlığa yerləşdirilir. Artıq mayalanmış bir embrionun uşaqlıq divarına birləşməsinin qarşısını alır. Yəni spiral follikulun yetişməsini əngəlləmir, ovulyasiyanı əngəlləmir, aybaşının funksiyasını pozmur, hətta sperm hüceyrəsi ilə mayalanma da baş verir. Sadəcə olaraq əmələ gəlmiş embrion uşaqlığın divarına yapışmır.
Spiral barəsində yayılmış bir çox yalnışlar var ki, bunlara aydınlıq gətirmək lazımdır.
Spiral kökəlmə verirmi?
Bu fikrin heç bir əsası, elmi izahı yoxdur. Spiraldan kökəlmə olmur. Spiral hər hansı dərman maddəsi deyil, bioloji bir əlavə deyil. Qadının kökəlməsinin spiralın qoyulması ilə üst-üstə düşməsi o demək deyil ki, kökəlmə spirala görədir. Yəqin ki kökəlmə qadının həyat tərzindəki digər səbəblərə bağlıdır.
Spiral aybaşı funksiyasını poza bilərmi?
Spiralın aybaşı funksiyasını pozması da yalnış fikirdir. Bir daha qeyd edirəm ki, spiral hər hansı bir dərman maddəsi deyil və aybaşı funksiyasına təsir edə bilməz. Qadınların aybaşı günləri spiraldan sonra da tam nizamlı olaraq qalır.
Hansı qadınlara spiral qoymaq olmaz?
Bir çox hallarda spiral əks göstərişdir. Buna uşaqlığın qüsurları, yəni əgər uşaqlıqda hər hansı bir inkişaf qüsuru varsa, arakəsmə varsa, ikibuynuzlu uşaqlıqdırsa, hədsiz çox kiçik ölçüdədirsə, biz belə hallarda spiral qoyulmasını məsləhət etmirik.