Şəhidim Ad günün mübarək Rusif Kazımovun 24-cü doğum günü...

Описание: Kazımov Rusif Yusif oğlu 29.03.1997 Cəlilabad rayon Uzuntəpə kəndində anadan olmuşdur.Üç uşağın ən böyüyü Rusif imiş.2003-cü ildə E.Yusbov adına 1 nömrəli tam orta məktəbin birinci sinifinə qədəm qoymuşdur.Hər zaman mehribanlığı,gülərüzlülüyü,nizam-intizamı ilə seçilən Rusif 2012-ci ildə 9-cu sinif bitirən kimi C.Naxçvanski adına hərbi liseyə qəbul olmuşdur.Daha sonra 2015-ci ildə liseyi bitirib hərbi akademiyaya daxil olmuşdur."Kəşfiyyatçı" ixtisasına mükəmməl şəkildə yiyələnmişdir.Akademiyanı bitirərkən HUİ üzrə sertfikatla təltif olunub. Təltif edənlər:
-general-leytnant Nizam Osmanov
-general-mayor Fizuli Salahov
-polkovnik Ruslan Məmmədov
Akademiyanı 2019-cu ildə bitirmiş və rütbəcə leytnant olmuşdur.

Elə həmil il işə Ağstafa rayon 196 nömrəli hərbi hissədə Xüsusi təyinatlı dəstələrin kəşfiyyatçı vəzifəsi üzrə başlamışdır. O,burada ta "İkinci Qarabağ" döyüşləri başlayana qədər olmuşdur.

27 sentyabr 2020-ci ilə döyüşlər başlayan gündən döyüşlərdə iştirak etmişdir. Döyüş yolu Murov,Kəlbəcər,Şuşadan keçmişdir. O,Şuşada,Topxana meşəsində 04.11.2020-ci ildə əlbəyaxa döyüşdə qarşı tərəfin bir çox qüvvəsini məhv etdikdən sonra qəhrəmancasına şəhid olmuşdur.Əməliyyatda iştirak edən 6 nəfərdən,4-nəfəri şəhid,2-si qazi olmuşdur.
Ölümündən sonra "Vətən uğrunda", "Kəlbəcərin azad olunmasına", "Şuşanın azad olunmasına görə" medalları və "Dəmir yumruq" təltifnaməsi ilə təltif olunmuşdur.

Ailə qurduğu müddətdən üç ay keçirdi.Allahın izni ilə irəlidəki zamanda övladı dünyaya gələcək.

Redaksiya heyyətimizdən sonra şəhidin ailəsinin görüşünə "Qazilər cəmiyyəti"nin sədri Maşallah müəllim və Cəlilabad UGİM-in rəisi Elçin Hüseynov gəlmişdir.

Allahdan şəhidimizə rəhmət,yaxınlarına səbr diləyirik.

Redaktor: Səbahəddin Məmmədov