Highlights | Maulana Fazlur Rehman Visit Jamia Binoria Karachi

Описание: قائد جمعیت حضرت مولانا فضل الرحمن کے ساتھ جامعہ بنوریہ کی ایک شام کی چند جھلکیاں ۔
عالمی استعمار کو مدارس کا وجود برداشت نہیں ، مذہبی طبقہ محلاتی سازشوں کا شکار نہ ہو آج بھی فیصلے بند کمروں میں ہی ہوتے ہیں۔ جے یوآئی کے مرکزی امیر مولانا فضل الرحمان کا جامعہ بنوریہ العالمیہ کی جانب سے استقبالیہ تقریب سے خطاب

کراچی (19دسمبر 2020) جمعیت علماء اسلام کے مرکزی امیر اور پی ڈی ایم کے سربراہ مولانا فضل الرحمن نے کہا ہے کہ مذہب اسلام کیخلاف ایک اعصابی جنگ چھیڑ دی گئی ، ہمیں اس جنگ میں اپنے اعصاب پر قابو رکھ کر مقابلہ کرنا ہوگا ، عالمی استعماری قوتوں کو مدارس کا وجود برداشت نہیں ان کی کوشش ہے کہ مسلم معاشرے سے دینی مدارس کا تصور ختم کردیا جائے، اسی لئے اپنے گماشتوں کے ذریعے وہ دینی مدارس کی آزادی و حریت کیخلاف سازشیں کررہے ہیں۔
ان خیالات کا اظہار انہوں نے جامعہ بنوریہ عالمیہ سائٹ کے زیر اہتمام تقریب بعنوان " ایک شام مولانا فضل الرحمن کے ساتھ" میں خطاب کرتے ہوئے کیا اس موقع پر جامعہ کے طلبہ و اساتذہ نے ان کا شاندار استقبال کیا اور مہتمم جامعہ مولانا نعمان نعیم نے دینی وسیاسی خدمات کے اعتراف میں مولانا فضل الرحمان کو جامعہ بنوریہ العالمیہ کی جانب سے یادگار شلیڈ پیش کی اور ان کی جامعہ آمد پر شکریہ ادا کیا، اس موقع پر جامعہ کے مہتمم مولانا نعمان نعیم ،نائب مہتمم مولانا فرحان نعیم ،جے یو آئی کے صوبائی سیکرٹری جنرل علامہ راشد خالد محمود سومرو جے یوآئی آزاد کشمیر کے امیر مولانا سعید یوسف،شیخ الحدیث مولانا عبدالحمیدخان غوری، جامعہ علوم الاسلامیہ علامہ بنورئ ٹاؤن کے ناظم تعلیمات مولانا امداد اللہ، قاری عبدالمنان، مولانا غلام رسول، مولانا سیف اللہ ربانی، جے یو آئی کے رہنماؤں محمد اسلم غوری، مولانا عبدالکریم عابد، ڈاکٹر نصیرالدین سواتی ، مولانا مولاناسمیع الحق سواتی، سید حماد اللہ شاہ ، بزنس فورم کے مولانا امین اللہ ، بابر قمر عالم، مولانا فخرالدین رازی سمیت جے یوآئی کے دیگر عہدیداران موجود تھے۔
اس موقع پرخطاب کرتے ہوئے مولانا فضل الرحمن نے کہاکہ
دینی مدارس امت کے محسن ادارے ہیں ، ہم مدارس کے محافظ و امین ہیں جمعیت علماء اسلام علوم نبوت کا پرچار کرنے والے مدارس کے تحفظ ، بقاء اور سلامتی کیلئے ہر اول دستے کا کردار ادا کرے گی، عالمی قوتوں کو مدارس کا وجود برداشت نہیں، خیر خواہانہ انداز میں ہمیں دین کی رہنمائی سے بے نیاز کرنے کی کوششیں کی جارہی ہیں۔
انہوں نے کہا کہ مدارس کے قیام کا مقصد دینی تشخص اور تعلیمات نبویہ کی ترویج اشاعت ہے،جس وقت انگریز کی حکومت تھی اس نے دینی مدرسہ اور مولوی کے حوالے سے غلط تاثر قائم کیا اور مدارس کے طلبہ کو بے وقعت کرنے کی کوشش کی لیکن اکابرین امت نے اس سلسلے کو بغیر خوف وخطر کےبچلایا، آج بھی تاثر دیا جاتا ہے مولوی خطرناک اور دہشتگرد ہیں ایسے واقعات بھی ہوئے جن کا سہارا لیکر یہ پروپیگنڈہ کیا کہ مدرسے کی ضرورت ختم ہو چکی، گزشتہ بیس سال سے ہم انتہائی کربناک حالات سے گزرے ہیں، عالمی قوتوں کی خواہش ہے ہمارے معاشرے سے مدارس کا تصور ختم کیاجائے، کیونکہ مدرسہ کا تصور ختم ہوجائےتو سیاست شریعہ کا تصور ختم ہوجائے گا، انہوں کہاکہ مذہب اسلام کیخلاف ایک اعصابی جنگ چھیڑ دی گئی جس کا مقابلہ ہمیں باہم اتفاق واتحاد اور اعتماد سے کرنا ہے، انہوں نے کہا خیر خواہانہ انداز میں کہا جاتا ہے ہم مدارس کے طلبہ کو عصری تعلیم دیں گے سرکاری نوکری دیں گے میں پوچھتا ہوں ستر سالوں میں آپ کہاں تھےآج مدارس کی یاد آئی ہمیں آپ پر اعتماد نہیں پہلے اعتماد بحال کریں، انہوں نے کہاکہ موجودہ حکومت آئی تو دیگر طبقات کیساتھ دیندار طبقہ بھی خوش فہمی میں مبتلا تھا کہ کوئی انقلاب آنے کو ہے ، ہم ان کے عزائم کو بھانپ چکے تھے مگر اب حکومت کے مذموم عزائم کھل کر سامنے آرہے ہیں، انہوں نے کہاکہ علماء اپنے خیرخواہوں اور بدخواہوں کو سمجھیں محلاتی سازشوں کاحصہ نہ بنیں یاد رکھیں کہ آج بھی فیصلے بند کمروں میں ہی ہوتے ہیں۔

جاری کردہ سمیع الحق سواتی
ڈپٹی سیکرٹری اطلاعات جے یو آئی سندھ
#JUI #Jamia #Binoria #MaulanaFazalurRehman