Mbledhje Qeverie, Berisha vëmendje të veçantë për arritjet në sistemin shëndetësor - (4 Prill 2012)

Описание: Lajme arkiva 2012

Kryeministri Sali Berisha i kushtoi një vëmendje të posaçme, disa arritjeve të rëndësishme në sistemin shëndetësor, që e rendisin Shqipërinë në grupin e vendeve të zhvilluara. Fillimisht zoti Berisha u ndal tek vdekshmëria foshnjore. Arritjet në këtë drejtim ai i cilësoi historike.

Sali Berisha: “Shqipëria për fatin e keq të saj e ka patur në nivele afrikane. Ndërkohë Shqipëria e sotme ka një mortalitet infantil njëshifror, arritje kjo historike për ne. Kjo arritje është një rezultante e zhvillimit të gjithanshëm ekonomik, social, kulturor të këtij vendi. Por kjo arritje është gjithashtu dëshmi e një sistemi të kujdesit shëndetësor efikas.”

Të dhënat i referohen një studimi në nivel botëror të kryer nga UNICEF, Organizata Botërore e Shëndetësisë, Banka Botërore dhe Organizata e Kombeve të Bashkuara. Ato u publikuan në gazetën prestigjoze “The guardian” dhe në Shqipëri i publikoi vetëm pak ditë më parë ministri i Shëndetësisë Petrit Vasili. Gjatë mbledhjes së qeverisë, kryeministri solli si dëshmi të një sistemi efikas të kujdesit shëndetësor edhe shifrat që flasin mbi vdekshmërinë amtare, edhe këtu arritjet janë domethënëse.

Sali Berisha: “Shqipëria në këtë tregues renditet në vendet nga 1 tek 21. Shqipëria lë mbrapa një numër të konsiderueshëm të vendeve më të zhvilluara të planetit. Prapë këtu kemi një potencial të madh, pse në një vit e kemi 0 dhe në vitin tjetër 5 apo 8 sipas dy të dhënave. Dua të bëjmë gjithçka, të parandalojmë çdo shkak. Fakti është që ne i përkasim atij grupi të vendeve me lejen më të gjatë të lindjes dhe para lindjes, me një seri shërbimesh tërësisht falas. Këto nivele ftojnë për një përpjekje të re të madhe për të konsoliduar rezultate të tilla të cilat i bëjnë një nder të veçantë këtij vendi.”

Mbi treguesit e vdekshmërisë në tërësi, kryeministri Berisha raportoi një studim të katër dekadave të fundit. Edhe ky tregues e rendit Shqipërinë në grupin e vendeve të zhvilluara.

Sali Berisha: “Në sajë të uljes progresive të vdekshmërisë 2 dekadat e fundit dhe sidomos dekadën e fundit kanë meritën e madhe, kanë fatin të kenë vdekshmërinë totale për burrat dhe gratë më të ulëtën se të gjitha vendet e tjera ish komuniste. Edhe ky tregues rendit Shqipërinë në grupin e vendeve të zhvilluara. Edhe ky tregues është një dëshmi më e sigurta e rritjes së jetëgjatësisë të shqiptarëve.”

Por Shqipëria shënon nivele të larta për sa i takon imunizimit të fëmijëve apo vaksinimit të tyre prej 98 %. Një fakt ky i konfirmuar dhe nga Organizata Botërore e Shëndetësisë. Kryeministri ofroi të tjerë tregues të cilët flasin për një sistem të konsoliduar shëndetësor, por që siç tha do të konsolidohen edhe në të ardhmen.

Sali Berisha: “Shqipëria renditet e treta për sa i përket eksesit në shërbimin shëndetësor. Dhe këtu qëndron një nga arritjet më të mëdha. Kjo tregon se ka një organizim dhe një shpërndarje të shkëlqyer të shërbimit shëndetësor. Nëse ka investime serioze në mënyrë që të mos ketë radhë, të cilat jo për operacione, por për analiza, për imazheri pasivisht shkojnë dhe për muaj të tërë. Mbajtja e këtij pozicioni shumë të rëndësishëm kërkon konsolidimin e mëtejshëm të të gjitha shërbimeve me të cilat shqiptarët kanë dhe do të kenë kontaktet e para me sistemin.”

Gjatë mbledhjes së qeverisë kryeministri Sali Berisha vlerësoi kontributin e posaçëm të personelit mjekësor në treguesit gjithnjë e më pozitivë të sistemit shëndetësor shqiptar./tvklan.al



SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/