“Friken si pula para uturakëve”/ Rama: Pse nuk hetojnë paratë e zeza të tyre?

Описание: Kryeministri Edi Rama, në fjalën e tij para socialistëve kishte kritika për drejtësinë e re.

Rama u shpreh se drejtësia e re duhet të jetë e paanshme. Ai tha se gjykatësit friken si pulat përpara “uturakëve”, që jashtënxjerrin vetëm akuza, duke përbaltur këdo. Ai tha se këta “uturakë” kanë akuza serioze me prova për pastrim parash dhe drejtësia nuk bën asgjë.

Kreu i qeverisë deklaroi se gjykatësit janë bërë palë me akuzën, duke e lënë individin krejt të pambrojtur.

“PS ka qenë forca udhëheqëse e reformës në drejtësi. Duhet të ishte vetëm PS që ta drejtonte këtë reformë, sepse ata të Rrugës së Elbasanit këtu kanë qenë prej shumë e shumë kohësh. E dija që reforma do vinte me gjak e me baltë mbi ne. Shpata e drejtësisë e pavarur do vepronte mbi kokat tona dhe këtë e merrnim me mend. Ne e përmbysëm regjimin e vjetër të drejtësisë. Kjo drejtësi, ngaqë është e re nuk është profesionale. Drejtësia sot është si qeveria shqiptare në 1912. Është vetëm në fillimet e veta. Për paraburgimet, jemi njësoj si Rusia. Qeveria jonë goditet pa pushim si më e korruptuara dhe Shqipëria baltoset si më e kriminalizuara. Prokuroria nuk heton dosjet për pastrim parash të ‘uturakëve’. Si gëlltitet kjo paburrëri e neveritshme që bëjnë ndaj politikanëve të PS dhe ndaj administratës dhe friken si pula nga dy uturakë, që e bombardojnë publikun me lloj-lloj personazhesh, ndërsa dosjet me të gjitha faktet për evazionin e tyre fiskal janë në prokurori prej vitesh. Këta të parave të zeza nën dorë tregojnë sesi me korrupsionin tim unë paskam korruptuar edhe Komisionin Europian, që mos bëhet si uturakët, ku ata jashtënxjerrin tërë mllefin e tyre. Por Komisioni Europian sheh punën tonë, arritjet tona vlerëson. T’i marrin këshillat e mia këta njerëz për të kuptuar se të jesh gjykatës do të thotë të jesh i paanshëm dhe jo i pavarur. Gjykatësi është bërë palë me akuzën. Do të thotë se është përballje e kotë midis një njeriu që nuk ka asgjë në dorë dhe një force të verbër, që ka të gjitha në dorë”, u shpreh Rama.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan