Առանց սիրո հնարավոր չէ ճանաչել Քրիստոսին

Описание: Առաջին հերթին մենք պետք է հասկանանք սերը և սիրելը սիրելիներ: Եթե մենք բոլորս իրար սիրենք, նախ աշխարհը կիմանա, որ մենք Քրիստոսի աշակերտներն ենք։ Ուրեմն բնակվել Աստծո մեջ, նաև նշանակում է բնակվել սիրո մեջ։ Այս աշխարհի մեջ յուրաքանչյուր մարդ սիրո կարիք ունի, և այդ սիրո մեջ է, որ մարդը նախ հասկանում է ինքն իրեն, ճանաչում է ինքն իրեն, հետո ինքը բացվում է Աստծո համար, որպեսզի Տերը գա և բնակվի մեր մեջ։ Մենք Աստծուն միայն սիրով կարող ենք պահել մեր մեջ։ Մենք Աստծուն միայն կարող ենք սիրով տեսանելի դարձնել յուրաքանչյուր մարդու համար։ Եվ տեսեք՝ ինչ է ասում այստեղ առաքյալը․ ինչպես ենք իմանալու, որ Աստված մեր մեջ է, եթե ոչ Սուրբ Հոգու միջոցով։ Սուրբ Հոգին այն մաքրող, սրբագործող զորությունն ու էությունն է, որ մարդուն իր մեղքերից մաքրում է՝ սիրո համար կատարյալ անոթ դարձնելու համար։ Առանց սիրո այս աշխարհի մեջ հնարավոր չէ ճանաչել Քրիստոսին։ Պողոս առաքյալն ասում է․ եթե ես ամբողջ աշխարհն անգամ շահեմ, բայց սեր չունենամ, ես ոչինչ եմ։ Ուրեմն առանց սիրո դու չես կարող թույլ տալ, որ Քրիստոս գա ու բնակվի քո մեջ։