Iken edhe Gledjon Rehovica nga LSI e Beratit |Lajme-News

Описание: Një tjetër zyrtar i lartë braktis LSI-në e Beratit. Gledion Rehovica, ish-deputet i kësaj force politike që u zgjodh në vitin 2017 është i dyti pas Nasip Naços që largohet drejt Partisë Socialiste të Beratit, duke e quajtur LSI një eksperiment politik që i ka ardhur fundi.
“Jam i lumtur dhe krenar që u kemi shërbyer njerëzve por tani është një klub në Tiranë që mbush televizionet me sharje. Eksperimenti i LSI ka mbaruar. Berati ka nevojë për progres dhe punë që të eci përpara. Jo se PS s’ka të meta dhe gabime, por është e vetmja me vizion sot”.
Sipas Rehovicës, vendimi për t’u larguar nga LSI ishte i imponuar nga ajo që ai e quajti një sjellje politike që ka thyer besimin tek ai.
“Ishte një takim me strukturat e LSI, iu bëra të qartë vendimin. Vendim i vështirë por i imponuar nga një sjellje politike që ka thyer besimin tim dhe të qytetarëve që na ka votuar. Ka shumë që po largohen se ne e kemi krijuar me mish e me shpirt”.
Në mesazhin e tij, Rehovica thotë se nuk ishin tenderat që e çuan drejt LSI dhe njësoj nuk kanë qenë tenderat që e kanë çuar drejt Partisë Socialiste.
“Gjithsecili ka bindjet e tij, vepron sipas bindjeve, kur vajta te LSI nuk vajta me tender dhe nuk po vete me tender te PS”.
Gledion Rehovica u zgjodh deputet nga listat e LSI në vitin 2017, por Komisioni Qëndror i Zgjedhjeve ia hoqi mandatin me pretendimin se ai kishte fshehur një dënim nga drejtësia italiane.

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/