Step by Step na pag-MARCOTT NG LEMON: Pagtatnim at Pagpapabunga (with ENG subs)

Описание: Gabay sa Marcotting ng Lemon, pagtatanim at pagpapabunga


Ngayong araw na ito ay ise-share ko sa inyo ang pag-Marcott ng Lemon, pagtatanim at pagpapabunga sa pamamagitan ng Organikong pamamaraan.

Ang aking mga tanim na Lemon ay pawang nasa timba, na kahit maliit pa lang at marami ng bunga.

Ang Lemon ay masustansiya, pampalakas ng immune system dahil sa mataas na taglay na vitamin c.

Madalas ay ginagawang healthy drinks o juice ang Lemon at panangkap sa iba't-ibang lutuin.

Kung nais ninyong magparami ng Lemon ay mas maganda ang pagtatanim ng marcotting, dahil mas maaga siyang mapapabunga.

Paraan ng pagmarcott, pumili lang ng isa sa matandang tangkay ng Lemon, mas maganda kung may bunga na.

Alisin ang balat malapit sa nods o buko nito na isang inches ang sukat at kayasing mabuti.

Maglagay ng matabang lupa na mamasa-masa na ang composition ay 60 percent buhaghag, 20 percent ay chicken manure at 20 percent ay clay. Ilagay ng kalahati sa plastic ng yelo at lagyan ng straw na gagamiting pantali.

Bislakin ang plastic ng yelo na may lupa saka ibalot sa kinayas na tangkay ng Lemon at mahigpit na itali sa straw.

Pagkalipas ng isang buwan ay magkakaroon ng maraming ugat ang Lemon na minarcott at puwede ng i-transplant kung saan mo gustong itanim ng permanente

Maaring direktang itanim sa lupa or sa timba ang Lemon na minarcott.

Sa paglilipat tanim ay maingat lang na putulin ang ilalim na bahagi ng minarcott na Lemon gamit ang kitchen knife at gupitin ang nag straw na pinantali.

Maingat din na alisin ang plactic na yelo na ginamit upang makita pa ang maraming ugat saka ililipat sa permanenteng pagtatanim.

After two moths ng pagkakatransplant ay maaari ng diligan at ispreyan ng natural fertilizer na Fermented Plant Juice (FPJ),.isang beses kada Linggo para manatiling malusog. Maaari din lagyan ng vermicast o chicken manure ang lupa na malapit sa Lemon.

Pagkalipas ng apat na buwan at malapit ng mamulaklak ay ispreyan na ng Fermented Fruit Juice.(FFJ) once a week ang Lemon.

Para hindi lapitin ng mga insekto ang bunga ng Lemon tulad ng fruit fly ay one's a week na mag-ispray ng Oriental Herbal Nutrients (OHN) kahit walang naninira para maagapan agad ang posibleng manira sa ating mga tanim.

Sa loob ng walong buwan ay magbubunga na ang Marcott na Lemon at hintayin na lang na mahinog bago pitasin.

Makakatipid kana, masustansiya pa ang pagsasaluan ng buong pamilya at hindi ka maaapektuhan ng mataas na presyo ng Lemon sa Merkado.

Tandaan lang po na laging i-apply ang TLC-Tender Love and Care sa pagtatanim ng mga halaman para ito ay mapakinabangan.

Ang Magsaskang Reporter po ay marami ng tanim na gulay at fruit trees pero patuloy pang nagtatanim dahil sa paniniwalang ang pagkakaroon ng seguridad sa pagkain ay dapat magsimula sa ating tahanan, "FOOD SECURITY STARTS AT HOME.

Milyun-milyon ngayon ang nagugutom, maraming kabataan ang malnutrition, ang pagtatanim, pagkain ng gulay at prutas ang solusyon.

Nagawa ko po ito, magagawa rin po ninyo.

Nawa po ay nakapag-share ako ng kaalaman at impormasyon ngayong araw na ito tungkol sa pagmarcott at pagtatanim ng Lemon.

Panoorin po ninyo ang video tutorial ko sa aking Youtube Channel na ANG MAGSASAKANG REPORTER tungkol sa step by step na pagmarcott at pagtatanim ng Lemon sa timba.

Para sa iba pang tips at sikreto sa pagtatanim ng iba't-ibang uri ng halaman ay maari po kayong manood at makinig ng aking TV at Radio program na Masaganang Buhay tuwing Linggo, alas-7:00 hanggang alas-8-00 ng umaga sa OnePH Cignal TV, Channel 1 ng TV-5. Mapapakinggan din po sa Radyo Singko 92.3 News FM.

Maaari din kayong manood at mag-subscribe sa aking Youtube Channel na ANG MAGSASAKANG REPORTER para sa iba pang kaalaman at ipormasyon sa pagtatanim ng iba't-ibang uri ng halaman sa pamamagitan ng Organikong pamamaraan.

Tuwing araw ng Martes ay regular ninyong mababasa ang aking kolum dito sa Pilipino Star Ngayon (PSN) ng Star Group of Publication.

Sa mga tanong at komento ay maaari ninyo akong i-txt, huwag pong tawag ah, sa 09178675197. STAY SAFE, HAPPY FARMING, GOD BLESS US ALL.

English subtitles are available, just click the "CC" icon at the bottom of the video. Enjoy watching!