Aktivitet simulues për sigurinë dhe emergjencat në Shkollën “Mitrush Kuteli” në Prishtinë

Описание: Shkolla Fillore “Mitrush Kuteli” në Matiqan ka organizuar një aktivitet stimulues në kuadër të Planit të Sigurisë dhe Emergjencave, me qëllim rritjen e ndërgjegjësimit të nxënësve për reagim të shpejtë dhe të koordinuar në raste fatkeqësish natyrore, shkruan Kosova.info.

Gjatë ushtrimit praktik, nxënësit luajtën role të ndryshme si mjekë të rinj që ofronin ndihmën e parë, zjarrfikës që ndërhynin në raste zjarri, si dhe nxënës që simuluan situata të ndryshme, përfshirë thyerje gjymtyrësh dhe raste paniku.

Në aktivitet morën pjesë edhe përfaqësues të institucioneve të sigurisë: Drejtori për Siguri dhe Emergjenca në Komunën e Prishtinës, Lulzim Fushtica, komandanti i zjarrfikësve Mal Gashi me ekipin e tij, si dhe zëvendëskomandanti i Policisë, Sami Halimi, me dy njësi policore.

Stafi i shkollës, së bashku me institucionet e sigurisë, simuluan situata të ndryshme si tërmete, zjarre dhe evakuime emergjente. Pas aktivitetit, u zhvillua një diskutim mbi mësimet e nxjerra dhe rëndësinë e bashkëpunimit ndërmjet nxënësve, mësimdhënësve dhe autoriteteve të sigurisë.

Shkolla “Mitrush Kuteli” ka bërë të ditur se mbetet e përkushtuar ndaj edukimit të sigurt dhe krijimit të një ambienti mësimor ku fëmijët përveç njohurive shkollore, fitojnë edhe aftësi praktike për përballimin e situatave emergjente./Kosova.info/ #kosovainfo #funny #shprehje #shqip #kosovo #shkolla