Ajal Nay Chun Liya Jo Phool Jaan-e-Gulshan Tha - Recited by Asghar Kazmi

Описание: قطعہ
ٹائِٹِل ۔ اجل نے چن لیا جو پھول جانِ گُلشن تھا
کلام ۔ کلیمِ آلِ عبا، جناب شاہِد نقوی صاحِب

سیّد آفتاب علی کاظمی برِّ صغیر پاک و ہِند کے نامور سوزخوان گُذرے ہیں۔ وہ ۱۹۱۵ عیسوی میں دِہلی میں پیدا ہوئے اور ۲۹ جوُن ۱۹۸۱ عیسوی کو پاکستان کے شہر کراچی میں داعیِٔ اجل کو لبّیک کہا۔

سیّد آفتاب علی کاظمی نے سوزخوانی کی ہر صِنف کی ادائیگی اُس کی ضروُرت کے عین مُطابِق کر کے خوُب داد حاصِل کی۔ اُن کی آواز میں جس قدر درد پنہاں تھا اُس ہی قدر گھن گرچ بھی موجوُد تھی۔ اِن کی ادائیگی میں کلام کی مُناسبت سے توانائی اور سوز وگُداز دونوں کیفیّات یکساں طور پر نُمایاں نظر آتی تھیں۔ بندِش کی ضروُرت کےمُطابِق کھرج کے ساتھ بُلند ترین سُر بھی بہت سہل انداز میں استعمال کیاکرتے تھے۔ کلام کے بہترین اِنتِخاب ،الفاظ کی صحّت و واضح ادائیگی، اور مضموُن و بندِش کی مُطابقت اُن کی سوزخوانی کے خُصوُصی پہلوُ ہیں۔ روایتی بندشوں کو خوبصوُرتی سے پیش کرنے کے علاوہ اپنے طور پر بھی بے شُمار بندشیں وضع کیں جِن میں سے بیشتر نے صاحِبِ ذوق سامعین میں بے حد مقبوُلیت حاصِل کی۔ انیسؔ ، دبیرؔ، موُنِسؔ، تعشّق، اور دیگرشعرائے کرام کے علاوہ جناب سیّد زوّار حُسین قیسؔ دہلوی اور اُستاد قمرؔ جلالوی کا کلام اُن کے بستے میں نُمایاں اہمیّت کا حامِل رہا۔

والِدِ مُحترم سیّد آفتاب علی کاظمی صاحِب کی ۳۳ ویں برسی پر اُنھیں خراچِ عقیدت کے طور پر شاعِرِ آلِ عباء جناب شاہِدؔ نقوی کا قطعہ جو اُنھوں نے جناب آفتاب کاظمی کے چہلُم کے موقع پر پیش کیا اور اُن کی آخری آرامگاہ کے سِرہانے کُندہ ہے، اپنی آواز میں پیش کرنے کی جسارت کی ہے جو سامعین کی سماعت کے لیئے یہاں پیشِ خِدمت ہے۔ آپ سب سے درخواست ہے کہ مرحوُم ذاکِرِ حُسین کے ایصالِ ثواب کے لیئے سورۂِ فاتِحہ اور سورۂِ اِخلاص کی تِلاوت اور درجات کی بُلندی کے لیئے دُعا فرمائیں۔ طالِبِ دُعا سیّد علی اصغر کاظمی، فرزند سیّد آفتاب علی کاظمی۔ کراچی ۲۳ جوُن۲۰۱۴ء

Audio: Ajal Nay Chun Liya - V2014 - 3 0623 145406 EDRF