T`i bësh të gjitha si Abigeila - Episodi 84 (15 shtator 2023)

Описание: #abigeilvoshtina #tkob #mirakazhani #violin
Videopodcast me Drejtuesen e TKOB, Abigeila Voshtina

Abigeil Voshtinën vendosa ta ftoj në podcast kur isha në TKOB për të parë Aidën e Verdit. Më bëri përshtypje sjellja e lirshme, pa kompleks.

Vetëm më vonë, kur u ula të bëj kërkimet për të, mësova se kishte pasur një jetë interesante. Zbulova aq shumë rastësi, kryqëzime fatesh dhe një grua kokëfortë me jetën.

Qëkur ia kishte dalë që me një violinë 8 mijë lekëshe të bënte për vete profesorin italian dhe me forcën e temperamentit të vet kish shkruar në një mënyrë edhe fatin dy shoqeve të saj, që së bashku të treja, në vitet e para të `90-ës shkuan studente me bursë në Itali.

Dhe nuk po ju flas për një fëmijë gjeni, as nga ata që kanë yllin në ballë. Përkundrazi, Abigeila thotë se nuk ka pasur shumë që do vinin bast për të.

Më vonë, ajo jo vetëm ndërtoi një karrierë të suksesshme në Itali dhe Spanjë, por u kthye në 2013-ën dhe gur pas guri ndërtoi karrierën e saj në Shqipëri.

Ne themi si ia dalin njerëzit jashtë, në fakt, vlen të thuhet se ata që kthehen, të ikurit në vitet `90, kanë po aq sfidë në Atdhe. Shumë pothuaj nuk e kapin më realitetin këtu. Kam parë shumë raste që figura interesante janë kthyer dhe janë tërhequr mbrapsht.

Ndërsa Abigeila ia doli dhe sot TKOB më pëlqen shumë në drejtimin e saj.

Edhe në jetën private është një tip i hapur. Në podcast do ta dëgjoni sesi flet për mëmësinë në moshën 48-vjeçare. Si e vendosi me partnerin e saj prej tre vjetësh, Hektorin, edhe pse kishte vetëdijen se në moshën e saj nuk kishte aq shanse.

Ja që ndodhi. Me Zotin dhe shkencën me vete, sigurisht. Dhe sot është mami e një djali 1 vjeç, bjond me kaçurrela.

Siç thotë Abigeila, në jetë kalojnë shumë trena, duhet vetëm t’i marrësh e mos t`i lësh të ikin.

Ndiqeni këtë podcast sepse është si një digë motivimi…
Për më shumë vizitoni: https://www.tiranapost.al/
Subscribe në "Mira Kazhani" në YouTube Channel: https://www.youtube.com/channel/UCmI_... Na ndiqni në Facebook:   / tiranapost.al  
Na ndiqni në Instagram:   / post.tirana  
Na ndiqni në Spotify: https://open.spotify.com/show/57q7lSF...
Na ndiqni në Tiktok:   / zememirenpodcast