შეღავათიანი აგროკრედიტის პროექტის ფარგლებში კასპში ქათმის ფერმის მშენებლობა მიმდინარეობს

Описание: საქართველოს სოფლის მეურნეობის მინისტრის მოადგილე დავით გალეგაშვილი და სოფლის მეურნეობის პროექტების მართვის სააგენტოს დირექტორი გიორგი ჩხეიძე შპს „პიუნიკ--ჯორჯიას" ეწვივნენ და იქ მიმდინარე სამშენებლო სამუშაოები დაათვალიერეს.
„შეღავათიანი აგროკრედიტის პროექტის" ფარგლებში, „ქართუ" ბანკისგან აღებული 600 ათასი დოლარის სესხით, შპს „პიუნიკ--ჯორჯიამ" კასპის რაიონის სოფელ მეტეხში ახალი ფერმის მშენებლობა თითქმის დაასრულა. 7 ჰა ფართობის ტერიტორიაზე საბოლოოდ ოთხი საფრინველე განთავსდება. სამშენებლო სამუშაოების გარდა, მიღებული კრედიტით შეძენილ იქნა თანამედროვე დანადგარები, რომლის გამოყენებით წიწილების გამოკვება და მოვლა--პატრონობა ხდება.
შპს „პიუნიკ--ჯორჯიაში" 100-მდე ადამიანია დასაქმებული. შეღავათიანი აგროკრედიტის პროექტის დახმარებით, კომპანიაში წარმოება გაორმაგდა. ადგილობრივი წარმოების წიწილისა და კვერცხის რეალიზაცია შიდა ბაზარზეც ხდება, ასევე ექსპორტზე აზერბაიჯანსა და სომხეთში გადის.