ايها القيد بالله تكسر | يوسف الاسدي | الليالي الكاظمية 1447هـ

Описание: اداء الرادود : يوســـف الاســـــــــدي
كلمات الشاعر: احـــــــمد الگـــرعاوي
Stockholm / Sweden
مكســــاج: علـــــــي خـــــلـــيـــــــل
مونتاج: اســــامه الجورانـــــــــــي
تـــــصـــــويــــر: احمد الشكرجي
احـــــــــمــــــــــد الاســـــدي
اســـــــــامه الجـــــــورانــــــــي
تــــــرجمــــة: علي صاحـــــــب
LJUSA SAMLINGAR

_______________________

أيُها القيدُ باللهِ تكسّر إنّ في النعشِ موسى إبنُ جعفر
قد مات مسموم في السجنِ مظلوم
إبنُ طه
………………………………..
برهبة الروح تنزف اجروح
قصة المسجون مايبرد جمرها
كلها آهات كلها حسرات
قصة ادموع وحزن نبدي ابذكرها
بظلمة الليل ينهد الحيل
القيد والأغلال تشرحلك أمرها
لو نشرح الأحوال بالقيد والأغلال
وبسجن للانذال
في السجونِ ظلام طويلُ والمآسي لها خطب جليلُ
والحالُ معلوم في السجنِ مظلوم
إبنُ طه
……………………………………
‏بسجن اظلم وبابه محكم
‏خلص الكاظم يويلي كل حياته
‏بين السجون تحچي العيون
‏وابن جعفر رضا الباري أمنياته
‏رغم الأحقاد ورغم الاصفاد
‏والصبر منه يفيض ابكل صفاته
سدوا عليه الباب وعنه الوحي ماغاب
وصار السجن محراب
يعتلي منه لله دعاءُ وانطوى منهُ حزنٌ وبكاءُ
والدمعُ مسجوم في السجنِ مظلوم
إبنُ طه
…………………………………..
‏يا هظيمه بلا جريمه
يبقه من سجن لسجن يگظيها السنين
بحاله صعبه شنهو ذنبه
حتى حيطان السجن تندب بالونين
ونسمع أصوات بالمناجاة
يدعوا ربه بكل سجوده بجاه الحسين
وبسجن هالاشرار ما مر عليه انهار
ظلمة ودليله احتار
صابراً ساجداً لله شكرا كلما زادوا غلاً زاد صبرا
والقلبُ مهموم في السجنِ مظلوم
إبنُ طه
…………………………….
بأمر حاكم أجه ظالم
الكاظم ابطاموره حطه واغلگ الباب
سنين وأعوام تحوطه ظلّام
وظلمه أيام السجن والنور لن غاب
وگلبه مالوم شاف الهموم
هالغريب بسجنه أهله أبعاد غيّاب
وحده بن حامي الجار لا أهل لا أنصار
والطف اله تذكار
في ليالي السجونِ قد رأينا مابكى سجنَهُ يبكي حسينا
والقلبُ مكلوم في السجنِ مظلوم
إبنُ طه
……………………………
بدمعة العين يزور الحسين
وبركوعه وبسجوده يشكي همه
يجري عبره وضاگ صدره
اعتنه للباب ألهوه رايد يشمه
وشافه جاحد بقوه حاقد
السندي بن شاهك على وجها يلطمه
من لطمة الزهره وأحقاد هالزمره
عالكاظم اتظهره
عاودوا الحقدَ اعداءُ الرسولِ مثلما عاودوا لطمَ البتولِ
والصدرُ مهشوم في السجنِ مظلوم
إبنُ طه
………………………………….
‏ الطاغي بمره لن يغدره
‏امن السجن ميت طلع يا ويلي مسموم
وين هاشم ابن فاطم
‏أربع حماميل شالوا نعشه هاليوم
تجري العيون عله المسجون
عالجسر تنطر الشيعه ابگلب مالوم
لا أهل ويحضرون بس شيعته ايندبون
عالجسر وينوحون
ميّتٌ بالسلاسل قيدوهُ فوقَ جسرٍ ببغدادَ رموهُ
والقولُ مفهوم في السجنِ مظلوم
إبنُ طه
………………………………