Syair Lagu Ulak Bosa Sintong Rokan Hilir Riau

Описание: Hujan lo lobek, kilek bosambong,
sayang di anak, ditompu juo.
Ondak mudiek, ke Ulak Bosa,
lotiah bokayuh, cubo bogalah.

Anakku sonik, lokeh lo bosa,
bulieh lo anak, masuk sekola.
Tinggi bukik, di ili Sintong,
tompek lo Ajo Jatuh Bokudo.

Hujan lo lobek, kilek bosambong,
sayang di anak, ditompu juo.

....
Tuailah tuai, padiku tuai,
padi si puluik batimbo jalan.
Buailah anakku buai,
anakku sonik bolahan badan.

....

Tuailah padiku tuai,
sambi menuai anak dibao.
Buai buai anakku buai,
anakku sonik hubungan nyao.

Dayuonglah sampanku dayuong,
ondak lo mudiek ke Sekeladi.
Anakku sonik usah bomonuong,
godanglah anak bulieh mongaji.

Dayunglah sampanku dayung,
ondak lo iliw ko Sungai Impa.
Anakku sonik usah bomonuong,
godanglah anak bulieh sekola.

Gala lo kita bogala,
anak babuai dalam puau.
Godang lo anak bulieh sekola,
duduk mangaji menuntuik ilmu.

Lenggang lo kito molenggang,
sambi molenggang suuik tangko.
Timang timang anakku timang,
anakku timang sambie melogu.

Lenggang lo kito molenggang,
sambi molenggang nak langkahkan kaki.
Timang timang anakku timang,
anakku timang sambie monai.

Tuailah padiku tuai,
Padiku tuai dapek segantang.
Buai buai anakku buai,
sambie bebuai lo kito pulang.

~~~
Komunitas Kebudayaan Riau
Dinas Kebudayaan Provinsi Riau
Jl. Jendral Sudirman, No. 194 Tangkerang - Pekanbaru
FB : DINAS KEBUDAYAAN PROVINSI RIAU
ig : disbud.provriau