3-វ្រះកម្រតេងអញស្រីវីរយុទ្ធាវម៌្ម (Vrah Kamradeng Anh SRI VIRA YUDHAVARMA)

Описание: វ្រះកម្រតេងអញស្រីវីរយុទ្ធាវម៌្ម (Vrah Kamradeng Anh SRI VIRA YUDHAVARMA)
-----------
វ្រះកម្រតេងអញស្រីវីរយុទ្ធាវម៌្ម គឺជារាជសេនាបតីដែលជំនាញខាងធ្នូព្រួញមួយអង្គ ក្នុងរជ្ជកាលព្រះបាទស្រីសូយ៌្យវម៌្មទេវ-ទី២ (១១១៣-១១៥០) ហើយក៏ជាមេបញ្ជាការកងទ័ពប្រចាំប្រមាណ ឬភូមិភាគបុរាណមួយ។

នៅលើចម្លាក់ក្បួនព្យុហយាត្រាកងទ័ព នាប្រាសាទអង្គរវត្ត យើងឃើញរូបព្រះឆាយាលក្ខណ៍របស់ វ្រះកម្រតេងអញស្រីវីរយុទ្ធាវម៌្ម ឈរនៅលើដំរីចម្បាងំទី៣ ពោលគឺពីមុខក្បួនទ័ពរបស់វ្រះកម្រតេងអញស្រីវីរេន្ទ្រាធិបតីវម៌្ម ដែលកំពុងចេញដំណើរពីភ្នំសិវបាទបូព៌ា។ សូមជម្រាបថា ភ្នំសិវបាទបូព៌ានេះ ត្រូវនឹងប្រាសាទនាគបួស នៃខេត្តព្រះវិហារបច្ចុប្បន្ន ចំណែកសិវបាទបស្ចិម គឺនៅប្រាសាទតាមាន់ធំយើង នាខេត្តបន្ទាយមានជ័យបច្ចុប្បន្ន។

តាមរយៈចម្លាក់ទាំងនេះដែរ យើងឃើញថា ដៃឆ្វេងរបស់វ្រះកម្រតេងអញស្រីវីរយុទ្ធាវម៌្មកាន់ធ្នូ ដៃស្ដាំកាន់ព្រួញចំនួន៣ដើម ក្នុងឥរិយាបថបម្រុងលើកបាញ់ទៅមុខ។ រាជសេនាបតីដ៏អង់អាចអង្គនេះ មានពាក់អាវក្រោះ និងមានកាំបិតពីរដើមសៀតនៅនឹងស្មាខាងឆ្វេងអាវក្រោះ។ នៅជុំវិញដំរីចម្បាំងរបស់ទ្រង់ ឃើញមានបាំងដោយក្លស់ចំនួន៦ សែនត្វ័នចំនួន១ និងបាំងស៊ូនចំនួន១បាំងនៅខាងក្រោយខ្នង ព្រមទាំងមានទង់ចម្បាំងចំនួន២ និងទង់សញ្ញាគ្រុឌសម្ដែងឫទ្ធិមួយទៀតផងដែរ នៅពីមុខក្បួនទ័ពរបស់ទ្រង់។ រីឯហ្មដំរីរបស់ទ្រង់ ដៃឆ្វេងកាន់ខែលរាងមូល ដៃស្ដាំកាន់លំពែងវែង ក្នុងឥរិយាបថកំពុងលើកពួយទៅមុខដែរ។
#domra_history
#history
#king
#angkor
#angkorwat
#cambodia
#siemreap
#phnompenh
#queen
#culture
#civilization