Əsla Bu Qidaları Uşaqlara Verməyin - PALMA YAĞI QATILIB

Описание: 050 724 43 88
Videonu bəyənməyi və əməyə sayğı naminə abunə olmağı unutmayın. Sevgi və sağlıqla qalın.

Azərbaycanda körpələrini yalnız ana südü ilə qidalandıran analara çox az rast gəlirik. Artıq iş o yerə çatıb ki, uşağını pediatra aparan analar həkimin təyinatı üzrə müalicə ilə yanaşı, həm də körpələrinin qidasını dəyişməli olurlar. Qısacası, ana altı ay ərzində üç pediatra müraciət edibsə, deməli, bu süni qidaların markası üç dəfə dəyişib. Bəs uşaqlara müxtəlif mənşəli süni qidaları vermək olarmı? Azərbaycanda satılan bu məhsullarla bağlı hansı problemlər var?


Respublikanın baş pediatrı, Elmi-Tədqiqat Pediatriya İnstitutunun direktoru Nəsib Quliyev də bildirib ki, uşaqlar üçün ən ideal qida ana südüdür: "Həmin süni qidalar inək südünün bazasında hazırlanır. Təbiətin belə bir qanunu var ki, canlının hasil etdiyi qida onun özü üçün spesifik və maksimum adekvatdır. Bu o deməkdir ki, inəyin südünü insanın balasına vermək olmaz. Biologiyada buna bioloji katastrof deyirlər".
N.Quliyev deyib ki, uşaq qidalarının satışı ilə məşğul olan bəzi distribütorlar pediatrlarla əməkdaşlıq edirlər: "Pediatr uşağa süni qida verilməsini məsləhət görürsə, bu, onun savadının aşağı olmasını göstərir. Körpələr ilk altı ayadək yalnız ana südü ilə qidalanmalıdır. Altı aydan sonra isə ana südü ilə yanaşı yumurta sarısı, mannı və digər sıyıqlar vermək olar. Yaxşı olardı ki, bu qidalar da ev şəraitində hazırlansın. Ağıllı analar uşaqlarına konservantlarla konserviləşdirilib uzun müddətli istifadəyə yararı olan qablaşdırılmış uşaq yeməkləri vermirlər".
N.Quliyev ananın südünün olmaması ilə bağlı deyilən fikirləri də qəbul etmir: "Çünki ana bətninə uşaq düşən gündən ananın orqanizmində və döş vəzisində müəyyən dəyişikliklər baş verir. Uşaq anadan doğulan gündən döş vəziləri də işləyir və süd gəlir".

Onun sözlərinə görə, süni uşaq qidalarının ixracı ilə məşğul olan əsas ölkələrdən biri Almaniyadır. Ancaq orda ana südü ilə qidalanan uşaqların sayı Azərbaycandakılardan çoxdur: "Onlar süni uşaq qidaları istehsal edib başqa ölkələrə satırlar. Özlərində isə bu qidalardan istifadə yox dərəcəsindədir. Deməli, belə ölkələr qazanc əldə etmək və məhsullarını satmaq üçün xam axtarırlar".

Azad İstehlakçılar Birliyinin sədri Eyyub Hüseynov isə deyib ki, uşaq qidalarının tərkibi çox mürəkkəb olduğundan yoxlanılması da çətindir.

Süni uşaq qidalarının tərkibində çeşidli emuliqatr, boya maddələri, sintetik şəkər, quru süd, konservantlar, qlüten və s kimi insan orqanizminə mənfi təsir edən maddələr var. Bununla da bitmir. Süni uşaq qidalarına çeşidli yağlarla yanaşı, son vaxtlar bir çox avropa ölkəsində istifadəsindən imtina edilən palma yağı da vurulur. Palma yağı heç böyüklər üçün məsləhət görülmür. Xərçəng, ürək çatışmazlığı kimi sağlmaz xəstəliklərə yol açdığı bildirilir. Ancaq təəssüf ki, hətta böyüklər üçün ölümü tezləşdirən bu qatqıları bəzi analar körpələrinə yedirirlər. Məsələn, indi sizə təqdim etdiyim uşaq qidalarına adıçəkilən qatqılarla yanaşı, palma yağı da vurulur.

Bütün bu söylədiklərimizə rəğmən hələ də gələcəyimiz olan körpələrə süni qida verməkdə israrlısınızsa, heç olmasa, indi söylədiyim məqamlara xüsusi diqqət edin:
Uşaq qidasını alarkən istehlakçılar yararlılıq müddəti və keyfiyyət sertifikatı və qablaşmanın bütövlüyünə, onun hansı yaş qrupu üçün nəzərdə tutulduğuna diqqət yetirməli və qidanın təlimatı ilə tanış olmalıdırlar: "Uşaq qidaları təmiz, quru, yaxşı ventilyasiya olunan yerdə müvafiq temperatur rejimində və müddətlərdə saxlanılmalıdır. Quru uşaq qidalarını soyuducuda, xüsusən açıq halda saxlamaq olmaz. Belə ki, quru toz halında olan uşaq qidaları nəm çəkir ki, bu da sonradan onun yararlığına mənfi təsir göstərir.

Uşaq qidası kimi istifadə olunan meyvə və giləmeyvə konservlərini 0°-25°C temperaturda 2 il, tərəvəzli, meyvəli və ətli konservləri şüşə qablarda 2 il, dəmir qablarda 1 il, konservlərə vitamin, süd, qaymaq, xama əlavə edildiyi təqdirdə 1 il, quru məhsulları və quş əti konservlərini 0°-20°C temperaturda istehsalçı tərəfindən müəyyən edilən və qutunun üzərində göstərilən müddətdə saxlanılmalıdır: "Əgər qabın qapağı azacıq batıqdırsa, bu, həmin məhsulun təzə olmasına dəlalət edir. Qabı zədələnmiş uşaq qidalarını almayın. Uşaq qidasını alarkən onun üzərində "uşaq qidası" və "6, 8, 10 və 12 aylıq uşaqlar üçün" kimi qeydlərin olmasına diqqət yetirin. Bundan əlavə uşaq qidası kimi istifadə olunan konservlərin tərkibində duz və şəkər qarışığının olmamasına və ekoloji təmiz məhsuldan hazırlandığına xüsusi diqqət edin".

facebook səhifəmiz:   / saqlamliqiniziqoruyun