حب النبي بگلوبنه خلينه وراية أهل بيت النبي علينــه
Автор: علــي الدليـــــمي
Загружено: 2025-04-09
Просмотров: 4838
Описание:
حب النبي بگلوبنه خلينه
وراية أهل بيت النبي علينــه
صيح ابو الزهره المدد ما يتأخر
عند الشدايد يبعثلكم حيدر
العنده مريض و عالدوه ما يكدر
وتراب حضرتهم دوه موصفينه
تاج الولايه و ما یلوگ لغيره
سرك يحيدر حاروا بتفسيره
إنت المدد ننخاك يا بو الغيره
والكم شكايانه بدمع دزينه
يام الحسن يا درع للينخاكم
بالدنيا ردنه وبالأخيره وياكم
جاروا علينه وأبد ما عفناكم
بجاه العقيله وأمج تفرحينه
كل من توازه وراد منهم عونه
ينخه الحسن وحسين ميعوفونه
ولد الزجيه من الألم يبرونه
وعلاجهم عند الوزه مجربينه
زوّار للعباس شدوا الرايه
ويم اخو زينب ما تطيح حجايه
العطشانه روحه يريد شربة مايه
وچفوف ابو فاضل نهر تسگینه
حشمت سامرا وأهل بغدادي
واهل البقيع سناد للمترادي
موسى بن جعفر والرضا والهادي
تاه الذي مالو حبيب يعينه
يبن الحسن ردناك يا گيلاني
يا باز الاشهب خمد النيراني
ولد الرفاعي بالضرب شجعاني
احضر يبو اعلامين لا تجفينه
شيخ الطريقه بحب علي وصانه
وذكر النبي ما يوقع من لسانه
نشتم عطر بيت النبي بديوانه
هذا ابو أحمد شيخنه وغالينه
نعلن محبتهم وما نخفيهه
ارواحنه الآل النبي نفديه
هاي الحقيقه وما نجامل بيهه
ومن كل عدو الآل النبي تبرينه
Повторяем попытку...
Доступные форматы для скачивания:
Скачать видео
-
Информация по загрузке:
