ဒေါ်အောင်ဆန်းစုကြည်ကို အမြန်ဆုံးလွှတ်ဖို့ ပြင်သစ်သမ္မတပြော (ရုပ်/သံ)

Описание: ပြင်သစ်သမ္မတ အီမန်နျူရယ် မက်ခရွန်က နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ခြွင်းချက်မရှိ ချက်ချင်းလွှတ်ပေးဖို့အတွက် တောင်းဆိုတယ်လို့ ထုတ်ပြောလာပါတယ်။

အောက်တိုဘာလ ၁ ရက်နေ့ ရက်စွဲတပ်ထားပြီး ပြင်သစ်သမ္မတရဲ့ ‌နိုင်ငံတော်၏အတိုင်ပင်ခံပုဂ္ဂိုလ်အတွက် ရည်ရွယ်ရေးသားထားတဲ့စာမှာ အဲ့ဒီလိုရေးသားဖော်ပြထားတာဖြစ်ပါတယ်။

ဒီစာကို ပြင်သစ်နိုင်ငံခြားရေး ဝန်ကြီးဌာနရဲ့ မြန်မာအထူးကိုယ်စားလှယ်ကတဆင့် ဒေါ်အောင်ဆန်းစုကြည်ရဲ့သားဖြစ်သူထံကို ပေးပို့လာခဲ့တာလို့ သားဖြစ်သူ ကင်မ်အဲရစ်ကပြောပါတယ်။

ဒါ့အပြင် ပြင်သစ်နိုင်ငံအနေနဲ့ မြန်မာပြည်သူတွေ အန္တရာယ်ကြုံတွေ့နေရချိန်မှာ မြန်မာပြည်သူတွေနဲ့အတူ ယှဉ်တွဲရပ်တည်ကာ အကြမ်းဖက်မှုလျော့ကျစေရေးနဲ့ တရားဝင်ခေါင်းဆောင်တွေ ရေးဆွဲထားတဲ့ ငြိမ်းချမ်းရေးလမ်းကြောင်းသစ်ကို အားပေးထောက်ခံဖို့ ဆန္ဒရှိတယ်လို့ ပြင်သစ်သမ္မတက ပြောပါတယ်။

#မြန်မာ #ဧရာဝတီ #ပြင်သစ်သမ္မတ #ဒေါ်အောင်ဆန်းစုကြည် #ငြိမ်းချမ်းရေး #ကင်မ်အဲရစ် #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy