Edicioni i Lajmeve Tv Klan 22 Janar 2026, ora

Описание: Lajme, #edicioniinformativ ora 19:30, 22 Janar 2026 #TvKlan #klanlajme

Spiker: Reis Çiço

Headlines

Themelimi i “Bordit të Paqes”, Trump: Me mua e gjithë bota më e sigurt

U themelua sot në Davos të Zvicrës “Bordi i Paqes”, një iniciativë e presidentit amerikan Donald Trump. Dokumenti u firmos nga 19 krerë shtetesh. Kreu i Shtëpisë së Bardhë deklaroi se, nën lidershipin e tij, bota është më e sigurt.

Kuvendi voton “Bordin e Paqes”, Rama: Do shkoj në Shtëpinë e Bardhë. PD: Përvetësove ftesë

Kuvendi miratoi sot me 110 vota pro, nga të gjitha palët, marrëveshjen për anëtarësimin e Shqipërisë në Bordin e Paqes. Kryeministri Rama tha se do të shkojë ta firmosë anëtarësimin në Shtëpinë e Bardhë. Demokratët e akuzuan se ka përvetësuar ftesën.

Kushtetuesja shqyrton kërkesën e Ramës për të shpallur antikushtetues pezullimin e Ballukut

Gjykata Kushtetuese shqyrtoi sot kërkesën e kryeministrit Rama për të shpallur antikushtetues pezullimin e Ballukut. Përfaqësuesit e qeverisë thanë se është cenuar parimi i ndarjes së pushteteve, ndërsa SPAK pretendoi se kërkuesi nuk është i legjitimuar.

Projekti turistik për Sazanin dhe Zvërnecin, dita e dytë e takimeve të Ivanka Trump në Vlorë

Ivanka Trump, vajza e presidentit amerikan Donald Trump, vizitoi sërish sot Zvërnecin në ditën e dytë të qëndrimit në Vlorë. Mësohet se ajo ka zhvilluar bisedime edhe me arkitektë vendas dhe të huaj për projektin e Sazanit dhe Zvërnecit.

Bonus 250 mijë lekë në muaj për mjekët specialistë që shkojnë në spitalet e rretheve

Të gjithë mjekët specialistë që do të pranojnë të transferohen në rrethe do të përfitojnë një bonus prej 250 mijë lekësh në muaj, krahas pagës. Për të plotësuar nevojat në spitalet rajonale do të angazhohen edhe mjekët e qendrave shëndetësore.

Projektligj për shqiptarët e Preshevës në Kongresin e SHBA-së. Komiteti i Jashtëm: Të shqetësuar për diskriminimin

Komiteti për Punë të Jashtme i Kongresit Amerikan miratoi një projektligj për mbrojtjen e të drejtave të shqiptarëve të Luginës së Preshevës. Nisma detyron Sekretarin Amerikan të Shtetit të hartojë një raport mbi diskriminimin e pakicës shqiptare.

Trabzonspori do të blejë kartonin e Ernest Muçit nga Beshiktashi

Ernest Muçi do të transferohet zyrtarisht te Trabzonspori. Presidenti i klubit turk, Ertuğrul Doğan, ka konfirmuar se skuadra e tij do të blejë për 10 milionë euro kartonin e sulmuesit kuqezi nga Beshiktashi.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan