Рухани жаңғыру: ақын Хамит Балшабековті еске алу

Описание: Жерлес ақын Хамит Балшабековтың 80 жылдық мерейтойына арналған «Таулар ұйықтамайды» атты кітабының тұсаукесеріне ақынның жан жары, балалары, Алматы, Семей, Тарбағатайдан ақынның көзін көрген замандастары келді. Кеш шымылдығын дауылпаз ақын А. Кәкенов арнау өлеңімен ашты.
Кездесуге Хамит Балшабековтің әріптестері, жерлестері, студенттер мен мектеп оқушылары, кітапханамыздың оқырмандары қатысты. Ақының ұлы Мерей Балшабековтың орындауындағы әкесінің сөзіне жазылған әндер кеш қонақтаына ерекше әсер берді. Ақын поэзиясына жазылған әндер көптеген әншілердің орындауындае радио мен теледидардан тыңдалып, тыңдаманын қуантып жүр.Кітаптың тұсаукесеріне келген жұбайы мен балаларының естеліктері әсерлі болды. болды. Кеш жүргізушісі, өлкетанушы-библиограф Абылгазинова Гульбаршын кеш қатысушыларын ақынның өмірі мен шығармашылығымен таныстырды.
Хамит Балшабеков 1939 жылы 20 желтоқсанда Қытай Халық Республикасы Тарбағатай ауданы «Үшқарасу» деген жерде дүниеге келген. 1962 жылы ақынның отбасы Қытайдан Қазақстанға оралады. Қарағанды облысының Жезқазған аймағы «Жетіқоңыр» совхозына келіп, әкесі мен анасының қасына малшы болып орналасады. Кейін Семей қаласындағы Н. Крупская атындағы педагогикалық институттың қазақ тілі мен әдебиеті факультетінде оқып, белгілі ғалымдар Қ. Мұқамедханов, Қ.М. Жүнісов, Қ. Шаяхметов сынды ұстаздардан білім алады.
1970 жылы ақын Шығыс Қазақстан облысындағы Шілікті ауылына қоныс аударып, қазақ тілі мен әдебиеті пәні мұғалімі болып қызмет атқарған. Ақын ұзаққа созылған ауыр науқастан 2007 жылы дүниеден өтті.
Хамит Балшабеков Тарбағатай ауданының мәдениет саласында елеулі істер атқарып, ақындық пен қатар актерлік өнерін де шыңдай білген. Ғ.Мүсіреповтің «Қозы Көрпеш-Баян Сұлу», Құдаш Мұқашевтің «Таң атып келеді» спектакльдерінде режиссер ретінде көрінсе, «Таң атып келеді» спектаклінде І. Жансүгіровтің бейнесін сомдаған. «Жылқышы әні» атты алғашқы жыр жинағы 1969 жылы «Жазушы» баспасынан жарық көреді. Кейінгі жылдары «Суырлының сұлу арқасында» атты жыр жинағы (1993), «Өмір мен саған ғашықпын» кітабы (2003), «Қантамыр», «Балтамыр» (2007), «Шұғыла көңіл» атты жаңа жыр жинақтары (2008) жарық көрді. «Тарбағатай ақындары жырлайды» атты жинаққа өлеңдері енген.
Жиырмадан астам өлеңдеріне ән жазылған. Атап айтқанда, «Мұзтаудың мұзбалағы», «Ұрпақ дауысы», «Әнші қыз», «Қосқарагөз», «Қос бұрым», «Жалши әні» өнер сүйер қауымның сүйіп тыңдайтын әндеріне айналған.
2006 жылы ақынға «Тарбағатай ауданының Құрметті азаматы» атағы берілді. Ақын ұзаққа созылған ауыр науқастан 2007 жылы дүниеден өтті. Кейіннен Шілікті ауылындағы саябаққа Хамит есімі берілді. Ақынның «Таулар ұйықтамайды» жаңа кітабы, кітапханамыздың өлкетану қорын толықтырды. Құрметті оқырмандар, келіңіздер, ақын поэзиясын танысыңыздар, кітап оқуға асығыңыздар!