Artur Zheji dhe Aleksandër Frangaj hedhin poshtë akuzat e gazetës “RD” për satelitin - 19 Gusht 2003

Описание: Lajme Arkiva - TV Klan 2003

Zoti Artur Zhaji, drejtor i përgjithshëm i RTSH, i është përgjigjur sot disa akuzave të bëra në gazetën “Rilindja Demokratike”, për shitjen në mënyrë të paligjshme të hapësirës satelitore të Televizionit Publik, për disa rrjete televizive private.

Artur Zheji:- “Përsa i përket satelitit, sateliti i RTSH është sateliti vetëm i RTSH. Është një program satelitor krejtësisht i shkëputur nga çdo lloj marrëveshje, sepse ai paguhet nga buxheti i shtetit dhe është trampolinë kulturore në gjithë Europën, e produkteve më të mira kulturore që prodhon RTSH dhe që RTSH bashkëprodhon, apo blen në tregun e prodhimeve më të mira televizive shqiptare, për të informuar shqiptarët jashtë, për t’i mbajtur gjithmonë nën përqafimin e ngrohtë të arritjeve më të larta të kulturës shqiptare dhe pra gjithçka flitet, përveç këtyre që po them unë tani, janë vetëm spekulime. Spekulime them unë, që nuk e di se nga burojnë, nuk më mbetet hatri aspak, ndoshta do të ishte më mirë se përpara se sa një gazetar të shkruaj, apo të bëjë përsjatje është e mira të dëgjojë dhe protagonistët është shumë e rëndësishme të dëgjosh aktorët, pastaj aktorët të cilëve u vesh kostume të cilat nuk u rrinë, pastaj të nxjerrësh konkluzione dhe të ndërtosh një koncept analitik, apo përgjithësues”.

Një prononcim të tillë e ka bërë dhe drejtori i Televizionit Kombëtar Klan, televizion i cili pritet të dalë në transmetim satelitor në muajin Shtator. Sipas zotit Frangaj, TV Klan ka nënshkruar një kontratë me kompaninë franceze Eutelsat me qendër në Paris. Vlera e kësaj kontrate ka kapur shifrat e 200 mijë dollarëve në vit.

Aleksandër Frangaj:- “Po është e vërtetë, jam njohur me deklaratën, është një deklaratë primitive dhe e pavërtetë, pasi Artur Zheji, nuk mund të jetë pronar i Eutelsat, nuk mund të jetë pronar i satelitit dhe nuk ka asnjë të drejtë të shesë, apo të japë me qira një pasuri që s’ka asnjë lidhje me Shqipërinë. Është e vërtetë, që TV Klan është në përgatitjet e fundit për të dalë në satelit me programin tonë, për të transmetuar informacione dhe gjithë programet për të gjithë shqiptarët kudo në Europë. TV Klan ka nënshkruar kontratë me kompaninë më të madhe satelitore Eutelsat, një kompani private me qendër në Paris. Kontrata konsiston në 200 mijë dollarë në vit, pagesë për frekuencën e marrë dhe të akuzosh Artur Zhejin, që po na shet ne satelitin është një budallallëk, që ndoshta nuk ka nevojë dhe nuk meriton të diskutohet gjatë. Kjo sigurisht bëhet thjeshtë për të luftuar politikisht njërin apo tjetrin drejtues, që varet nga shteti, por unë jam i shqetësuar, që luftën politike në shumë raste, përpiqen ta angazhojnë dhe biznese private dhe ky është gabim i madh për të cilin unë dua ta denoncojë, nuk ka pse të bëhet pjesë e luftës ndaj Artur Zhejit, përzierja e TV Klan apo televizioneve të tjera, të cilat me paratë e tyre, me djersën e tyre, po përpiqen të ndërtojnë program dhe të japin program falas për territorin shqiptar, me paratë e tyre po punojnë për të transmetuar dhe dhënë program po prapë falas për shqiptarët kudo në Europë dhe gjithë ky kontribut dhe angazhim që po bëjmë, shpërblehemi duke u akuzuar për vjedhje, sepse të thuash që ne po shitemi, ose po blihemi tek Artur Zheji është që unë të akuzohem për vjedhje. Prandaj unë dua të akuzojë sot, qoftë gazetën “RD”, qoftë Partinë Demokratike, që është pronare e kësaj gazete, që në mënyrë të turpshme fyejnë biznese që po punojnë dhe kontribuojnë ndershmërisht, sepse sateliti i TVSH është një frekuencë dhe nuk ka se si të transmetohet edhe TV Klan në të njëjtën frekuencë edhe Top Channel, TVA dhe shumë televizione të tjera që do të dalin satelit. Ne kemi nënshkruar kontratën me Eutelsat, që sigurisht kontrata do të depozitohet në KKRT, po të dojë një kopje edhe gazeta “RD”, po instalohet platforma digjitale në ambientet e TV Klan, për të dhënë sinjalin nga studiot tona në Satelit dhe ndërkohë njerëz të papërgjegjshëm akuzojnë që ne do të transmetojmë në satelitin e RTSH, satelitin e Artur Zhejit. Të thuash që Eutelsat është i Artur Zheji është si të thuash që gazeta “RD” është e Fatos Nanos. I kërkojmë gazetës “RD” ta përgënjeshtrojë në mënyrë të menjëhershme. Le ta vazhdojë luftën politike me Artur Zhejin, me Nanon dhe me këdo tjetër, por jo të bëjë pjesë të kësaj lufte TV Klan”./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/