Berisha feston Ditën e Verës në Elbasan: Ripërtëritja dhe zhvillimi ekonomik në fokus-(14 Mars 2012)

Описание: Lajme Arkiva 2012

Si çdo vit, kryeministri Sali Berisha zgjodhi Elbasanin për të festuar Ditën e Verës, për shkak të traditës së hershme që e sheh këtë qytet të kyçur në festimin e kësaj dite. I shoqëruar nga bashkëshortja e tij, zonja Liri Berisha, dhe mbesat Amla dhe Medina, kryetari i bashkisë së Elbasanit, Qazim Sejdini, kryetarja e Kuvendit, zonja Jozefina Topalli, ministra të kabinetit qeveritar e deputetë, z. Berisha iu bashkua festimeve, duke përshkruar në këmbë bulevardin e qytetit. Ai u takua me qytetarë të shumtë, me të cilët ndau urimet më të mira në këtë ditë që simbolizon ripërtëritjen.
Këtu kryeministri provoi edhe ëmbëlsirën e Ditës së Verës, Ballokume, dhe siç e do zakoni, vendosi verën simbolike të kësaj feste pagane. Në traditën e qytetit është dhe organizimi panairit të Verës. Për kryeministrin çdo 14 mars Elbasani shndërrohet në kryeqendrën e vendit.
Sali Berisha: “Gëzuar këtë ditë feste, ditë e shpirtit pranveror të njeriut. Kjo festë festohet sot në mbarë Shqipërinë, por festa bën sot, shpall Elbasanin kryeqytet të shqiptarëve.”
Gjatë një fjalimi përshëndetës, z. Berisha tha se sot, më shumë se kurrë, banorët e Elbasanit, por edhe gjithë shqiptarët, kanë arsye të festojnë më mirë se kurrë. Për këtë kryeministri kujtoi ritmet e rritjes ekonomike që nuk u ndalën siç konstatoi pavarësisht krizës botërore financiare. Qëndrueshmëria e ekonomisë, siguroi vende të reja pune, rritje të rrogave dhe pensioneve, z. Berisha, dha garanci se qeveria që drejton do të mbështesë gjithmonë gjithnjë e më shumë biznesin.
Sali Berisha: “Ekonomia shqiptare mbetet edhe në vlerësimin më serioz të bërë vetëm 3 ditë më parë, ekonomi e qëndrueshme. Të dashur biznesmene dhe biznesmenë unë vij këtu sot për tu premtuar ju se qeveria do të bëjë gjithçka për mjedisin dhe klimën më miqësore ndaj jush. Do të vazhdojë të gjitha përpjekjet për të zgjeruar hapësirat e lirisë tuaj me besimin më të madh që kjo është rruga më e sigurtë e zhvillimit dhe prosperitetit të vendit. Kjo është rruga më e sigurtë e zhvillimit të vendeve të punës. Kjo është rruga më e sigurtë e kalimit të Shqipërisë dhe shqiptarëve nga vend me të ardhura të mesme të larta, më vend më të ardhura të larta.”
Banorët e këtij qyteti kryeministri i kujtoi punimet që po kryhen në një nga veprat më të rëndësishme infrastrukturës rrugore. Në krye të pak javëve do të hapet tuneli që do të lidhë Tiranën dhe Elbasanin.
Sali Berisha: “Ne festojmë më mirë se kurrë, të dashur qytetar e qytetare të Elbasanit se vetëm pak javë na ndajnë nga dita kur drita e tunelit di të dalë në Tiranë. Vitin e ardhshëm Tirana do të derdhet në Elbasan ën 14 mars në kryeqytetin e vet që është Elbasani.”
Z. Berisha tha se zhvillimet pozitive lidhen gjithashtu dhe me përdorimin e pasurive që disponon vendi. Elbasan ka Kodrat e Krrastës, një pasuri të paçmuar turistike, ndaj kryeministri garantoi të mbështesë bashkinë në projekte që i shndërrojnë ato në qendër të rëndësishme të turizmit. Kryeministri zhvilloi dhe një vizitë në një nga qendrat tregtare të qytetit të cilën e inauguroi një vit më parë. Ai bleu disa produkte shqiptare dhe tha se funksionimi i kësaj qendre është dëshmi e hapësirave për zhvillimin e biznesit./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/