ليش من اسوي ترويج يكون سعر الرسالة غالي

Описание: من الشغلات الي لازم تنتبه اله قبل ما نحجي على الطرق الي اتخلي سعر الرسالة يكون قليل عندك هي :

الجمهور : لازم تحدد الجمهور الي انت اتريدة بطريقة صحيحة حتى يتوجه الاعلان مالتك للناس الصح و تكدر اتسوي هذا الشي سواء باضافة الاهتمامات في قسم المجموعة الاعلانية او تسوي جمهور مشابه او جمهور مخصص، لا تخاف اني شارح هاية التفاصيل بدرو تعلم الترويج المجانية، الرابط موجود بهايلايت الانستكرام او تلكو جوة بالاخير

المنصة : لازم تختار المنصة الي يتواجد بيه الجمهور مالتك سواء كانت فيسبوك او انستكرام او تيكتوك او سناب جات ..الخ، فمثلا مو من المعقول اتسوي اعلان لمنتج يخص الام الضهر لكبار السن على منصة السناب جات الي اكثر مستخدمي همة من الشباب

معرفة المنتج : مثل ما يكولون فهم السؤال نصف الحواب، فأنت حتى تعرف اتروج ترويج صح للجمهور الصح و المنصة الصح لازم تعرف مميزات و عيوب منتجك فمثلا دولة الصنع او الكمية او القدرة او العدد او الوزن و حاول تترجم هاية المميزات بطريقة يفهمه الجمهور

مثال توضيحي : مؤسس شركة ابل من راد يحجي على مميزات الايبود مالتي (جهاز خاص بالاغاني) ما حجة على الرام او الحجم الصغير للجهاز او مصطلحات فنية يفهمومه اهل بس الاختصاص .. مجرد كال جملة بيسطة وضحت هذا الشي فكال ( الف اغنية في جيبك) هاية الجملة وضحت للجمهور مميزات المنتج بطريقة بسيطة

الموقع : لازم تعرف شنو هي المواقع الي راح اتروج بيه فمثلا شمال العراق اغلبهم يتكلمون اللغة الكردية فلازم يكون اعلانك باللغة الكردية او اكو مواقع بيه كثافة سكانية عالية ولكن دخل الفرد بيه قليل لذلك يمكن تجيك رسائل هواي اذا كان منتجك سعرة قليل او مناطق بيه كثافة سكانية قليلة ولكن دخل الفرد بيه عالي فأعلانك راح ينجح اذا كان منتجك سعرة متوسط الى عالي ولكن بنفس الوقت حيكون سعر الرسالة غالي بسبب الكثافة السكانية القيلة و هكذا

طريقة كتابة الاعلان : كتابة الاعلان كلش مهم فأكو فرق كلش جبير بين واحد بالاعلان مالتة كاتب ( تخفيضات العيد كلش مناسبة
السعر ١٥ الف
القياسات ١١،١٢،١٣،١٤،١٥
الرقم : ٠٧٧٢٧٤٨٢٨٢٧)

و بين واحد كاتب

(موديلات عصرية الج يا ست البيت
تناسب ذوقج و اتخليك ملكة العيد

و القياسات العدنة فيت عليج ١١،١٢،١٣،١٤،١٥
و طبعا ماكو شي يغلة عليج لذلك سوينة السعر ١٥،٠٠٠ دينار عراقي

اذا تحبين تعرفين تفاصيل اكثر فراح انكون كلش سعيدين انجاوب على اسألتج و استفساراتج، اتصلي بينة على هذا الرقم : ٠٧٧٢٧٤٨٢٨٢٧ )

الفرق واضح مو !!!

طريقة عرض المنتج : اني دائما اكول الزبون يشتري صورة ما يشتري منتج، اذا انت رحت للمحل تشتري سماعة فأنت اكيد راح تلزمه و اجربه ولكن اذا السماعة نفسه شفته على الفيسبوك مثلا فأنت هنا راح تعتمد بصورة جبيرة على طريقة عرض المنتج سواء كان صورة او فيديو لذلك طريقة عرض المنتج كلش مهمة لان مهما عرفت من تكتيكات الترويج و وصلت الاعلان مالتك لناس اكثر فراح يضل المحدد الرئيسي للزبون لشراء المنتج هو طريقة عرضك لهذا المنتج

و خلي ابالك شغلة، هاية السوالف الي حجيت عليه اهم من معرفة تكتيكات الترويج و الامثلة الي ضربته فوك اتوضحلك هذا الشي

رابط موقعي الالكتروني
https://l1nq.com/jm4YL
رابط مقالات تخص التسويق
https://acesse.one/PQJOM
رابط قناة تلكرام
https://l1nk.dev/eDRHc
رابط دورة تعلم الترويج على فسيبوك و انستكرام
https://l1nq.com/4MOi9
رابط تعلم الترويج الانستكرام من خلال التلفون
https://acesse.dev/vM6U3